Umsyn Arqabaeva Reseı Sýretshiler odaǵynyń múshesi atandy
ASTANA. 14 qańtar. QazAqparat - Elordadaǵy Oqýshylar saraıynyń dırektory Umsyn Arqabaeva Reseı Federatsııasy Sýretshiler odaǵynyń múshesi ataǵyna ıe boldy.
«Biz býkletter jiberip, Máskeý qalasynyń pedagogıkalyq joǵary oqý oryndarymen birigip, kórmeler uıymdastyrdyq. Sondaı-aq, bizdiń bastamamyzben qoldanbaly ónerdiń Halyqaralyq ortalyǵy quryldy. Qazir biz reseıliktermen birge Halyqaralyq qoldanbaly óner konferentsııasyn uıymdastyrý úshin qoıan-qoltyq jumystar atqarýdamyz», - deıdi U. Arqabaeva
Elordanyń resmı saıtynyń málimetine qaraǵanda, Astana qalasyndaǵy jańa Oqýshylar saraıy 2012 jyldyń 3 sáýirinen jumys istep keledi. Qazirgi kezde Oqýshylar saraıynda 500 topta 9083 balany qamtıtyn 137 úıirme bar. Onda 141 pedagog balalarǵa qosymsha bilim berip, úıirmelerge jetekshilik etedi. Olardyń arasynda kásibı zertteýshi-pedagogtar men tanymal mýzykantar da, QR Eńbek sińirgen ǵylym, mádenıet, sport qaıratkerleri de az emes.
