Ýmra qajylyǵyna qatysty shekteý bolmaıdy
ASTANA. 17 qarasha. QazAqparat - Saýd Arabııasynyń Qajylyq isteri jónindegi mınıstri Bandar Hadjar umraǵa qatysty vızalyq shekteýdiń bolmaıtynyn málimdedi, dep jazady muslim.kz.
Esterińizde bolsa, bıyl qajylyq saparyna Mekkedegi meshitti keńeıtý jumystaryna baılanysty shetten keletin musylmandar úshin kvota belgilep, shekteý engizilgen bolatyn.
«Shekteý tek Ramazan aıyndaǵy umra kezinde jáne qajylyq maýsymynda engiziledi. Hıjra jyl sanaýy boıynsha alǵashqy alty aıdyń ishinde kishi qajylyǵyn ótegisi keletinder úshin shekteý qoıylmaıdy», - delingen mınıstr málimdemesinde.
Saýd Arabııasynyń bıligi bıylǵy qajylyq kezinde sheteldik qajylarǵa beriletin vızanyń 20 paıyzyn, al otandastaryna beriletin vızanyń 50 paıyzyn qysqartqan bolatyn.
