Umra arqyly el kórip, jer tanýǵa bolady
ASTANA. 1 jeltoqsan. QazAqparat - Ústimizdegi jyldyń jeltoqsan aıynyń 4-juldyzynan bastap Saýd Arabııasy bıligi umrany (kishi qajylyq) jáne baı tarıhy bar eldiń tynys-tirshiligimen, bolmys-bitimimen, salt-dástúrimen tanysýǵa, tamashalaýǵa múmkindik beretin týrıstik sapardy bir-birimen ushtastyratyn baǵdarlamany júzege asyrýǵa bel baılap otyr.
Týrızm jáne kóne jádigerler komıssııasynyń prezıdenti hanzada Sultan bın Salman málimdegendeı, jyl saıyn álemniń alpystan asa elinen at arytyp keletin qajylar kishi qajylyǵyn ótegennen keıin atalmysh baǵdarlama boıynsha osynaý eldiń ıslam dini kelmeı turyp, tirshilik qazanyn qaınatqan kóne shaharlary men tabıǵı qoryqtaryn aralap, saıahattaýǵa múmkindik alady.
Bul jobany atalmysh komıssııa eldiń syrtqy jáne ishki ister mınıstrlikterimen, sondaı-aq, qajylyq isteri jónindegi mınıstrlikpen, týrıstik kompanııalarmen birigip júzege asyratyn bolady.
Qazirgi ýaqytta Saýd Arabııasyna jeke týrıstik vıza ashtyrý múmkin emes. Saýd Arabııasy memlekettik ýákilettiligi bar týrıstik fırmalar arqyly toptanyp barǵan týrısterdi ǵana qabyldaıdy, dep habarlady muslim.kz.
