Úmitkerler Qazaly aýdanynda úgit jumysyn jalǵastyrýda

QYZYLORDA. QazAqparat - «Nur Otan» partııasynyń Qazaly aýdandyq máslıhatynyń depýtattyǵyna kandıdat Kádirhan Eńsepov pen Janat Erjigitova Qazaly aýdanynyń kórkeıip keńeıýine, halyqtyń áleýmettik jaǵdaıyn kóterýge basa kóńil bólip, óz úlesin qosyp kele jatqan alpaýyt kásiporyn «Rza» AQ mekemesinde eńbek ujymymen kezdesti, dep habarlaıdy QazAqparat.

Kezdesýde úmitkerler partııanyń 2021-2025 jyldarǵa arnalǵan «Ózgerister joly: ár azamatqa laıyqty ómir» atty baǵdarlamasyn keńinen túsindirip, aldaǵy josparlar jaıynda aıtty.

«Nur Otan» partııasy árbir turǵynnyń ál-aýqatyn arttyrýǵa múmkindik jasaıtyn ekonomıkany qurý mindetin qoıyp otyr. Osy oraıda partııa azyq-túlik qaýipsizdigin qamtamasyz etý jáne fermerlerge barynsha qoldaý jasaýdy josparlaýda», - dedi kandıdat Kádirhan Tólemisuly.

1 200-den astam adamdy jumyspen qamtyp otyrǵan kásiporyn ujymy 10 qańtarda ótetin saıası naýqanǵa sáttilik tilep, biraýyzdan «Nur Otan» partııasyna daýys beretindikterin jetkizip, jyly lebizderin bildirdi.

«Nur Otan» partııasy Qyzylorda oblysyndaǵy Qazaly aýdanynyń Saılaý qorynyń qarajatynan tólendi.