«Umaı» fılmi Slovakııada halyqaralyq festıvalde jeńimpaz atandy

NUR-SULTAN. QazAqparat - Rejısser Іńkár Ábdirashtyń «Umaı» («Malchık ý okna») qysqametrajdy fılmi Slovakııanyń aı saıyn ótetin Kosece International Monthly Film Festival halyqaralyq kınofestıvalinde «Úzdik rejısser-debıýtant» syılyǵyn ıelendi. Bul jaıly «Qazaqfılm» kınostýdııasyna silteme jasap QazAqparat habarlaıdy.

KIMFF festıvaliniń maqsaty - dúnıejúzindegi talantty rejısserlerdi qoldap, olardy nasıhattaý. Slovakııanyń jas kınematografısterinen quralǵan festıvaldiń qazylar alqasy ár aı saıyn jeńimpazdardy anyqtaıdy.

Jyl sońynda laýreattar óz nomınatsııasy boıynsha kınofestıvaldiń basty júldesi úshin kúreske túsedi. Jyldyq júldelerdi tabystaý rásimi 2021 jyly mamyrdyń 26 men 28 aralyǵyna josparlanǵan.

Esterińizge salaıyq, Іńkár Ábdirashtyń debıýttik fılminiń jelisi ózimshil aktrısanyń ómirin túbegeıli ózgertetin balalar úıiniń tárbıelenýshisi týraly baıandaıdy. Kartınanyń prodıýserleri – Farhat Ábdraıymov pen Gúlshat Smaǵulova.

Budan buryn «Umaı» fılmi British International Amateur Film Festival (BIAFF) Halyqaralyq áýesqoılar kınofestıvalinde «Eń úzdik fılm», «Eń úzdik stsenarıı» nomınatsııasy boıynsha top jarǵan bolatyn. Sondaı-aq fılm H Dadasaheb Phalke Film Festival (DPIFF) Halyqaralyq kınofestıvalinde úzdik qysqametrajdy fılm júldesin jeńip aldy.

Fılmdi QR Mádenıet jáne sport mınıstrliginiń tapsyrysymen Sh.Aımanov atyndaǵy «Qazaqfılm» kınostýdııasynyń «Debıýt» shyǵarmashylyq birlestigi túsirdi.