«Umaı» baǵdarlamasy boıynsha jańa ótinimder qabyldanbaıdy
ASTANA. KAZINFORM — «Umaı» baǵdarlamasy boıynsha qarjylandyrý lımıti tolyq ıgerildi, dep habarlaıdy «Otbasy banktiń» baspasóz qyzmeti.
Banktiń baspasóz qyzmeti atap ótkendeı, «Umaı» áıelder ıpotekalyq baǵdarlamasy qazaqstandyq áıelder arasynda taǵy da úlken qyzyǵýshylyq týdyrdy.
— Baǵdarlamanyń ekinshi kezeńi aıasynda jalpy somasy 20 mlrd 266 mln teńgege 851 sertıfıkat berildi. Osylaısha, bólingen qarjylandyrý kólemi tolyq ıgerilip, jańa ótinimderdi qabyldaý aıaqtaldy. Árbir ótinimniń artynda baspanaly bolý armany turǵanyn bilemiz jáne bul múmkindiktiń sizder úshin qanshalyqty mańyzdy ekenin jaqsy túsinemiz. «Umaı» baǵdarlamasyna bildirgen senimderińiz ben qyzyǵýshylyqtaryńyz úshin alǵys aıtamyz! — delingen habarlamada.
Aıta keteıik, búgin «Umaı» ıpotekasynyń ekinshi kezeńine ótinim qabyldaý bastalǵan bolatyn. Arada jeti saǵat ótpeı jatyp baǵdarlama boıynsha ótinim qabyldaý toqtady.
