«Umaı» áıelder ıpotekasy — memlekettik baǵdarlama emes — «Otbasy bank» basshysy
ASTANA.KAZINFORM — Áıelderge arnalǵan «Umaı» ıpotekalyq baǵdarlamasy 2026 jyly tamyz aıynyń sońyna deıin iske qosylady. Bul týraly Úkimettegi brıfıngte «Otbasy bank» basqarma tóraıymy Lázzat Ibragımova málimdedi.
Onyń aıtýynsha, atalǵan bank Azııa damý bankinen tartylatyn qarajattyń boljamdy qunyn qazirdiń ózinde belgili.
— Ózderińiz biletindeı, «Otbasy bankinen» aıyrmashylyǵy, áıelder ıpotekasy — tartylǵan qarajat esebinen qarjylandyrylatyn joba. Naqtyraq aıtqanda, áıelder turǵyn úı satyp ala alady. Bastapqy naryqtan da, qaıtalama naryqtan da alýǵa múmkindik bar. Munda shekteýler joq, bul memlekettik baǵdarlama emes. Eń bastysy, depozıt bolýy kerek jáne ondaǵy qarajat jınaý merzimi de mańyzdy. Sondyqtan biz, árıne, depozıtterdi aldyn ala ashýǵa keńes berdik, — dedi Lázzat Ibragımova.
Bank basshysy baǵdarlamaǵa degen qyzyǵýshylyqtyń joǵary ekenin de atap ótti.
— Bul ónimge suranystyń óte joǵary ekenin kórip otyrmyz. Bank aldyn ala qaryz beredi. Qazir avtomattandyrý protsesteri boıynsha barlyq jumys daıyn. Meniń oıymsha, shamamen eki aptadan keıin baǵdarlamanyń iske qosylýyna qatysty jaqsy jańalyqtar bolady, — dep sendirdi ol.
Eske salaıyq, «Umaı» baǵdarlamasy alǵash ret 2021 jyly iske qosylyp, 2023 jylǵa deıin jumys istedi. Keıin ony júzege asyrý ýaqytsha toqtatyldy. Bastapqyda baǵdarlamany 2025 jyldyń basynda qaıta iske qosý josparlanǵan bolatyn, alaıda onyń iske qosylýy keıinge shegerildi.
Baǵdarlamaǵa 18 ben 65 jas aralyǵyndaǵy, resmı tabysy bar jáne sońǵy alty aı boıy zeınetaqy jarnalaryn tólep otyrǵan áıelder qatysa alady.
Aıta keteıik, buǵan deıin «Umaı» ıpotekasy týraly tolyǵyraq jazǵanbyz.
