Umai 2023 – Jyldyń úzdik akterleri men spektaklderi marapattaldy
«Astana Opera» sahnasynda Qazaqstan óneri salasyndaǵy jyl qorytyndysy jasalyp, Umai 2023 ulttyq syılyǵynyń jeńimpazdary marapattaldy. Jalpy júlde qory 79 mıllıon teńgeni quraıtyn 29 músinshe men aqshalaı syılyq tabys etildi, dep habarlaıdy Kazinform.
Umai ulttyq syılyǵyn QR Mádenıet jáne aqparat mınıstrligi ótken jyldan beri óner sańlaqtaryna tabystap keledi.
«El Prezıdenti Qasym-Jomart Toqaev qazaq elin álemniń laıyqty órkenıetine aınaldyrý maqsatyn qoıyp keledi. Búginde memlekettiń jasap jatqan barlyq bastamasynyń túpki nátıjesi osy maqsatqa jetý. Umai syılyǵy – osyndaı talaptyń jarqyn kórinisi, onyń ózeginde ádemi saltanat emes, eń aldymen eselep ketken eńbek, taýdaı talap, tereń bilim men oıly óner tur. Óıtkeni óner adamy – qoǵamnyń tárbıeshisi. Óner men mádenıetimiz qandaı bolsa, qoǵamnyń bet-beınesi sondaı bolady. Bul barshamyzǵa ortaq eldiń erteńine kerek rýhanı saıasat», - QR Mádenıet jáne aqparat mınıstri Aıda Balaeva marapat keshiniń ashylýynda.
Kesh baǵdarlamasy aıasynda kórermender qyzyqty kontserttik nómirlerdi tamashalady. «Astana Opera» solısi Sultanbek Ǵumar «Turan» ansambliniń mýzykasyna «Qıly zaman» bıin usyndy. Jas kórermender mýzykalyq teatrynyń ártisteri D.Isabekovtyń «Gaýhartas» "mýzykalyq dramasynyń úzindisin sahnalady.
«Astana Balet» ujymy kórermender nazaryna S. Prokofevtiń «Romeo men Djýletta» baletiniń úzindisin usyndy. Maestro Rýslan Baımýrzınniń jetekshiligimen «Astana Opera» hory men orkestri jáne solısteri, «Serper» dombyrashylar ansambli jáne óńirlik teatr ujymdary óner kórsetti. Rınat Gaısın jazǵan UMAI ulttyq syılyǵynyń ánurany da kórermenderge erekshe áser qaldyrdy.
Alaıda, keshtiń mańyzdy sáti – bedeldi nagradalardy tabystaý rásimi boldy. Osylaısha, «Teatr óneri» nomınatsııasynda 8 júlde tabys etildi:
«Úzdik mýzykalyq-dramalyq spektakl» atalymynda Astana jas kórermender mýzykalyq teatrynyń «Gaýhartas» mýzykalyq dramasy úzdik dep tanyldy.
«Úzdik spektakl» – M. Gorkıı atyndaǵy memlekettik akademııalyq orys drama teatrynyń «Jazdyń sońy» tragıkomedııasy;
«Operadaǵy er partııasyn úzdik oryndaýshy» – Abaı atyndaǵy qazaq ulttyq opera jáne balet teatrynyń solısi Damır Sádýaqasov;
«Operadaǵy áıel partııasyn úzdik oryndaýshy» – Abaı atyndaǵy qazaq ulttyq opera jáne balet teatrynyń solısi Oksana Davydenko;
«Úzdik er adam róli» – M. Áýezov atyndaǵy qazaq ulttyq drama teatrynyń akteri Bekjan Turys;
«Úzdik áıel róli» - B. Rımova atyndaǵy Taldyqorǵan drama teatrynyń aktrısasy Almahan Kenjebekova;
«Úzdik rejıssýra» - Ǵ. Músirepov atyndaǵy balalar men jasóspirimderge arnalǵan Qazaq memlekettik akademııalyq teatrynyń rejısseri Dına Jumabaeva;
«Spektakldiń úzdik kórkemdik dızaıny» - N. Sats atyndaǵy balalar men jasóspirimderge arnalǵan memlekettik akademııalyq orys teatrynyń sýretshileri Vladımır Ponomarev, Aleksandra Rychkova.
«Horeografııa óneri» nomınatsııasy boıynsha:
«Úzdik bı ujymy» - ShQO mádenıet basqarmasynyń "Ertis kontsert" KMQK «Altaı» halyq bı ansambli;
«Zamanaýı horeografııanyń úzdik spektakli» - Túrkistan mýzykalyq-drama teatrynyń «Qorqyt týraly ańyz» plastıkalyq spektakli;
«Balettegi úzdik oryndaýshy» (balet solısi) – «Astana Opera» teatrynyń solısi Áıgerim Beketaeva;
«Balettegi Úzdik oryndaýshy» (balet solısi) – «Astana Opera» teatrynyń solısi Baqtııar Adamjan;
«Úzdik horeograf» - «Astana Balet» teatrynyń horeografy Aıgúl Tatı;
«Úzdik klassıkalyq balet spektakli» - «Astana Opera» teatrynyń «Spartak» baleti.
«Mýzykalyq-oryndaýshylyq óner» nomınatsııasynda tórt júlde tabys etildi:
«Úzdik dástúrli oryndaýshy» (án aıtý) – R. Baǵlanova atyndaǵy "Qazaqkontsert" memlekettik kontserttik uıymynan Asqar Muqııat;
«Úzdik dástúrli oryndaýshy» (aspapshy) – Raýshan Orazbaeva, R. Baǵlanova atyndaǵy "Qazaqkontsert" memlekettik kontserttik uıymy;
«Úzdik mýzykalyq ansambl» (klassıkalyq) – «Qazaqstan kameraty» klassıkalyq mýzyka ansambli;
«Úzdik mýzykalyq ansambl» (halyqtyq) – "NAVA" halyq aspaptar ansambli, Q. Qojamııarov atyndaǵy memlekettik akademııalyq uıǵyr mýzykalyq komedııa teatry.
«Beıneleý jáne sándik-qoldanbaly óner» nomınatsııasy boıynsha:
«Úzdik sheber-qolónershi» (zergerlik óner, metall óńdeý, aralas, eksperımenttik tehnıka) – Amangeldi Muqajanov;
«Úzdik sheber-qolónershi» (Aǵash óńdeý, kórkem oıý, keramıka) – Atabek Bekbolatov;
«Úzdik sheber-qolónershi» (kıiz, toqyma, toqyma, bylǵary) – Málik Muqanov, T. Júrgenov atyndaǵy Qazaq ulttyq óner akademııasy.
«Úzdik beıneleý óneriniń týyndysy» nomınatsııasynda:
«Úzdik sýret sheberi» – Dáýrenbek Beknazarov, T. Júrgenov atyndaǵy Qazaq ulttyq óner akademııasy;
«Zamanaýı ónerdegi úzdik joba» – Bolatbek Beıisbekov, Beıisbekovtar otbasynyń «Altyn Orda» kórkem galereıasy;
«Úzdik grafıka sheberi» – Batýhan Baımen;
«Úzdik músin sheberi» – Álibek Mergenov.
Sonymen birge, «Astana Balet» teatrynyń «Snejnaıa koroleva» baleti «Úzdik balalar spektakli» atansa, Memlekettik qýyrshaq teatrynyń «Ur, toqpaq!» ertegisi kishi formadaǵy «Úzdik balalar spektakli» dep tanyldy.
Sondaı-aq, táýelsiz saraptamalyq komıssııa músheleri «Jyl jańalyǵy» retinde «Astana Opera» teatrynyń oryndaýshysy Bıbigúl Januzaq pen «Astana Balet» teatrynyń «Nine» horeografııalyq mınıatıýrasyn marapattady.
