Umai-2023 Ulttyq báıgesine ótinim qabyldaý bastaldy
Qazaqstanda Umai-2023 Ulttyq syılyǵyna qatysýǵa ótinim qabyldaý bastaldy, dep habarlaıdy Kazinform QR Mádenıet jáne aqparat mınıstrliginiń baspasóz qyzmetine silteme jasap.
Aıtýly shyǵarmashylyq tabystary men úzdik jetistikteri úshin kásibı shyǵarmashylyq ujymdar men jekelegen óner qaıratkerlerin qoldaýǵa baǵyttalǵan baıqaý osymen ekinshi ret ótkizilip otyr. QR Mádenıet jáne aqparat mınıstrliginiń qoldaýymen, bıyl syılyqtar men jalpy júlde qory edáýir ulǵaıdy.
Ótinim qabyldaý
«Teatr óneri»,
«Mýzykalyq-oryndaýshylyq óner»,
«Horeografııalyq óner»,
«Beıneleý jáne sándik-qoldanbaly óner» tárizdi tórt negizgi nomınatsııa boıynsha ótedi.
«Teatr óneri» nomınatsııasy boıynsha segiz júlde belgilengen:
«Opera óneri» (operadaǵy erler jáne áıelder partııasyn úzdik oryndaý),
«Akterlik sheberlik» (dramalyq nemese mýzykalyq-dramalyq spektakldegi: operetta, mıýzıkl, rok-opera, mýzykalyq komedııadaǵy úzdik er adam jáne úzdik áıel adam róli),
«Úzdik rejıssýra» (mýzykalyq-dramalyq nemese dramalyq spektakldegi rejısserlik jumys),
«Spektakldiń úzdik kórkemdik bezendirilýi» (kostıýmder jáne/nemese dekoratsııalar),
«Úzdik mýzykalyq-dramalyq spektakl»- opera, dramalyq/mýzykalyq-dramalyq (operetta / mıýzıkl / rok-opera / mýzykalyq komedııa),
«Úzdik dramalyq spektakl / mýzykalyq komedııa».
«Horeografııalyq óner» nomınatsııasy boıynsha alty júlde belgilengen:
«Úzdik bı ujymy»(halyqtyq, zamanaýı nemese estradalyq bı ansambli),
«Úzdik zamanaýı horeografııa spektakli»,
«Balettegi úzdik oryndaýshy» (balet solısi /er/ áıel),
«Úzdik horeograf»,
«Úzdik klassıkalyq balet spektakli».
Taǵy tórt júldeni jeńimpazdar «Mýzykalyq-oryndaýshylyq óner» nomınatsııasy boıynsha alady:
«Úzdik dástúrli oryndaýshy (án aıtý)»,
«Úzdik dástúrli oryndaýshy(aspapshy)»,
«Úzdik mýzykalyq ansambl» (klassıkalyq),
«Úzdik mýzykalyq ansambl» (halyqtyq).
«Beıneleý jáne sándik-qoldanbaly óner» nomınatsııasy boıynsha júlde «Úzdik sándik-qoldanbaly óner sheberine» mynadaı sanattar beriledi:
qolóner sheberi (zergerlik óner, metall óńdeý, eksperımenttik/aralas tehnıkalar),
qolóner sheberi (aǵash óńdeý, kórkem oıý, keramıka),
qolóner sheberi (kıiz, tekstıl, toqymashylyq, bylǵary).
«Úzdik beıneleý óneriniń týyndysy» úshin taǵy tórt syılyq taǵaıyndalady, atap aıtqanda:
«Úzdik keskindeme sheberi»,
«Úzdik zamanaýı óner sýretshisi (performanstar, ınstallıatsııalar, art-nysandar jáne t. b.),
«Úzdik grafıka sheberi» jáne
«Úzdik músin sheberi».
(Osy atalǵandardyń ishindegi eń sońǵysy alǵash ret paıda boldy, kórkem sýret / grafıka boıynsha ótken jylǵy bir júlde bıyl eki jeke syılyqqa bólindi).
Bıyl «Úzdik balalar spektakli» (eki syılyq) arnaıy júldelermen atap ótiledi, sondaı-aq táýelsiz saraptaý komıssııasynyń músheleri fınalısterdiń arasynan «Jyl jańalyǵyn» (sahnalyq óner salasynda) (eki syılyq) tańdaıdy.
Shyǵarmashylyqta jańashyl betburys jasaǵan jáne Qazaqstanda, sondaı-aq shetelde teatr salasyndaǵy ózderiniń jarqyn biregeı jetistikteri arqyly tanymal bolǵan, jasy 40-tan aspaǵan sahna óneriniń sheberleri «Jyl jańalyǵy» júldesine úmitker bola alady.
Aıta ketý kerek, ujymdar men oryndaýshylar 2021 jyldyń qyrkúıeginen bastap 2023 jyldyń shildesine deıingi teatr (kontserttik) maýsymynda atqarǵan jumystary úshin Umai-2023 syılyǵynyń nomınanttary bola alady.
Jekelegen óner qaıratkerleri (opera solısteri, drama akterleri, rejısserler, sýretshi stsenograftar, kostıýmder boıynsha sýretshiler, balet solısteri, horegraftar, mýzykalyq oryndaýshylar) eki jyldan aspaıtyn merzimde, ıaǵnı 2021 jyldan 2023 jylǵa deıin oryndaǵan rólderi/partııalary/shyǵarmashylyq jumystary/mýzykalyq baǵdarlamalary úshin báıgege túsedi.
Sýretshiler men sándik-qoldanbaly óner sheberleri de 2021 jyldan erte emes kezeńde jasalǵan jumystary úshin úmitker bola alady.
Ótinimderdi qabyldaý 2023 jyldyń 5 jeltoqsanynda aıaqtalady.
Syılyqqa ınnovatsııalyq shyǵarmashylyq qyzmetteri – eldiń mádenıeti men óneriniń damýyna yqpal etetin Qazaqstan Respýblıkasynyń azamattary úmitker bola alady. Nomınanttardy respýblıkalyq, óńirlik nemese jergilikti bılik organdary, mádenıet uıymdary, úkimettik emes uıymdar men qoǵamdyq birlestikter, shyǵarmashylyq odaqtar men qaýymdastyqtar, mádenıet pen óner salasyndaǵy oqý oryndary, sondaı-aq jeke tulǵalar usyna alady.
Táýelsiz saraptaý komıssııasynyń quramyna enetin Qazaqstannyń tanymal mádenıet jáne óner qaıratkerleri úzdikterdiń úzdigin anyqtaıtyn bolady. Umai-2023 Ulttyq syılyǵy laýreattaryn saltanatty marapattaý rásimi 2023 jyldyń 22 jeltoqsanynda «Astana Opera» teatrynda ótedi.
Umai syılyǵy jas mádenıet jáne óner qaıratkerlerine jetistikke talpynýǵa serpin beredi. Sımvolıkalyq mánge ıe syılyqtyń ataýy túp-tamyrymyzǵa qaıta oraltyp, týǵan jerge, tabıǵatqa qamqorlyqpen qaraýǵa shaqyrady jáne tereń fılosofııalyq taqyryptarǵa úndeıdi.
Ótinimderdi umaiastanaopera2023@gmail.com poshtasyna jiberýge bolady.
Instagram: umai_nationalaward
Telefon: +7 7172 709 628.
«Ulttyq ónerdi qoldaý jáne damytý maqsatynda bıyl syılyqtar sany 29-ǵa deıin kóbeıdi, sáıkesinshe aqshalaı júldeler de artty. Bıyl syılyqtyń júlde qory 79 mıllıon teńgeni quraıdy. Ótken jylǵy jeńimpazdardy marapattaý rásimi joǵary deńgeıde uıymdastyrylyp, «Astana Opera» teatrynyń Úlken zaly sahnasynda ótti. Arnaıy músinshe men aqshalaı júldelerdi 20 laýreat ıelendi. Ótken jyly baıqaýǵa qatysýǵa teatr, mýzyka, horeografııa, beıneleý jáne sándik-qoldanbaly óner salalarynda 400-den astam ótinim kelip tústi. Syılyqtyń byltyrǵy jetistiginen keıin bıyl áriptesterimizdiń, atap aıtqanda shyǵarmashylyq ujym ókilderi men jekelegen mádenıet pen óner qaıratkerleriniń belsendiligi edáýir joǵary bolady dep kútilýde. Ásirese óńirlerden túsetin ótinimder ulǵaıady dep senemiz»,-delingen habarlamada.
