Ulytaýlyq polıtseı qazaq aqyndarynyń 90-nan astam óleńin jatqa biledi

JEZQAZǴAN. QazAqparat - Ulytaý oblysy polıtsııa departamenti tyldyq qamtamasyz etý basqarmasynyń arnaıy jáne áskerı qamtamasyz etý bóliminiń ınspektory Úrker Úkimatov qyzmetimen qatar ónerdi de janyna serik etip júrgen azamattardyń biri, dep habarlaıdy QazAqparat.

Ol Jambyl oblysynyń Sarysý aýdanynda dúnıege kelgen. Mektep qabyrǵasynda júrip túrli baıqaýlarǵa qatysyp, jastaıynan óleńge degen qushtarlyǵy arta túsken.

Іshki ister organdarynda qyzmetin 2022 jyly Astana qalasynan bastady.

«Bala kezden kitap oqyǵandy unattym. Maǵan aqyndardyń óleńderin jattap alyp, naqyshyna keltirip oqyǵan unaıdy. Ásirese, Mahambettiń óleńderin oqyǵanda erekshe bir kúı keshemin. Osyndaı rýhty óleńderdiń jastarǵa berer patrıottyq tárbıelik mańyzy zor», - deıdi Úrker.