Ulytaýlyq aqsaqal qymyz meıramyn jandandyrýdy usyndy
NUR-SULTAN. QazAqparat – 72 jastaǵy qart Sársenbaı Qotyrashov elimizde qymyz meıramynyń qaıta jandanýyn usyndy, dep habarlaıdy QazAqparat tilshisi.
«Dúnıejúzinde jylqyny birinshi bolyp qolǵa úıretken – qazaq halqy. Bıe saýyp, qymyz ashytyp, qymyz ishýdi bastaǵan da qazaq. Osydan 5 myń jyl buryn qymyz meıramy paıda bolǵan. Elimizde qymyz meıramy Qazan tóńkerisine deıin toılanyp keldi. Keıin tyıym salyndy. Kezinde Naýryz meıramy sekildi umytylyp ketti. Eshkim bile qoımaıdy, biletinder biren-saran ǵana. Osy oraıda qymyz meıramyn qaıta jandandyratyn ýaqyt keldi», - deıdi Sársenbaı Qotyrashov.
Aqsaqal elimizde qymyzmuryndyq meıramynyń resmı belgilengenin durys sanaıdy.
«Sársenbaı atamyz sportpen shuǵyldanyp, jaıaý júrýge arnaıy daıyndalmaǵan. Biraq eldi jaıaý aralaýdy burynnan josparlap kelgen. Jaı ǵana aralap qoımaıdy, atamyzdyń óz maqsaty bar. Elimizdegi qolóner sheberleriniń basyn qosyp, tizimin jasaǵysy keledi. Bul kisi ózi zerger. Qazir qolynda 418 qolóner sheberiniń tizimi bar. Eger tizim 1 myńǵa jetse ıÝNESKO qolóner sheberlerine arnalǵan arnaıy saıt ashyp beredi. Sol arqyly otandyq zergerler óz ónimderin shetelge usynyp, sata alady», - dedi 72 jastaǵy qarttyń kómekshisi Baqtııar Qojahmetov.
Buǵan deıin ulytaýlyq qart Sársenbaı Qotyrashovtyń Qazaqstandy jaıaý aralap júrgenin habarlaǵan bolatynbyz.
Aqsaqal 4 myń shaqyrymdy jaıaý baǵyndyryp búgin elordaǵa jetti.
