Ulytaýdaǵy órt: Fermerlerge kelgen shyǵyndy baǵalaıtyn komıssııa quryldy
ULYTAÝ. QazAqparat – Ulytaý aýdanynda jarııalanǵan Tótenshe jaǵdaıǵa baılanysty komıssııa quryldy, dep habarlaıdy QazAqparat Qaraǵandy oblysynyń ákimdigine silteme jasap.
Órt dalaǵa taraýda. Qazirgi ýaqytta aýyldar zardap shekken joq. Jaǵdaı Qaraǵandy oblysy TJD turaqty baqylaýynda. Órtti joıý boıynsha operatsııany basqarý TJ bolyp jatqan aýdanǵa kelip jetken oblys ákiminiń orynbasary Serik Shaıdarovqa tapsyryldy. Maly qyrylǵan nemese jaıylymdary órtenip ketken fermerlerdiń zalalyn baǵalaý jóninde komıssııa quryldy.
Ulytaý aýdanynyń úsh okrýgindegi dala órtterin joıýǵa 216 adam jáne 28 birlik tehnıka tartyldy.
Oblys ákimi jaǵdaıdy jeke baqylaýda ustap otyr.
Eske salsaq, Ulytaý aýdanynda dala órti órship 3 aýylda Tótenshe jaǵdaı jarııalanǵan edi.
