Ulytaýda «Jezkıik» festıvali ótip jatyr
ASTANA. QazAqparat - Ulytaýda «Jezkıik» І Halyqaralyq mýzyka festıvali ótip jatyr. Bul erekshe mýzykalyq sharanyń qonaqtary búgin festıvaldiń ótetin jerine kelip, baspasóz máslıhatyn ótkizdi. Bul týraly QazAqparat oblys ákiminiń saıtyna silteme jasap habarlaıdy.
Búgin festıvalge qatysýǵa kelgen mýzykalyq ujymdar men uıymdastyrýshylardyń qatysýymen baspasóz máslıhaty ótti.
«Osy sekildi festıval sizderde birinshi ret ótkizilip jatqanyna qaramastan, ol óte joǵary deńgeıde uıymdastyrylǵan. Jánede ol barlyǵymyzdy qýantady. Osyǵan deıin men Ortalyq Azııada úsh ret osy sekildi festıvalder uıymdastyrǵan bolatynmyn. Olardyń barlyǵynda qazaqstandyq toptar eń úzdikter qatarynda boldy. Sondyqtan men osy sharaǵa basqa eldiń ujymdaryn óýana alyp kelip, olardyń ónerin ortaǵa salmaqshymyz, - dedi festıval qatysýshylarynyń menedjeri Narıne Grıgorıan.
Uıymdastyrýshylardyń aıtýynsha, barlyq mýzykanttar sharanyń oblys ortalyǵyna shalǵaı jerde ótetinine qaramastan, «Jezkıik» festıvaline qatysýǵa zor qyzyǵýshylyq tanytqan eken.
Barlyq ujymdar úshin aldyn ala festıval baǵdarlamasy qurylyp, taratylǵan. Sonymen qatar sharanyń ótetin jeri týraly da aqparat jiberilgen.
Barlyǵy festıvalge 11 mýzykalyq ujymdar, 92 qatysýshy kelgen. Olardyń ónerin tamashalaýǵa 6 myńǵa jýyq kórermen jınalady dep josparlanýda. Olardyń qatarynda Qaraǵandy, Jezqazǵan, Sátpaev jáne Ulytaýdyń turǵyndarymen qatar Almaty jáne Astana qalalarynan arnaıy qonaqtar kelmek.
Festıval shyǵarmashyl ujymdardyń kásibı deńgeıin kóterý jáne tájirıbe almasý, folklorlyq jáne klassıkalyq mýzykanyń jańa oryndaýshylaryna qoldaý kórsetý, halyq mádenıetin saqtaý jáne damytý, daryndy sheberlerdi anyqtaý, jaqyn jáne alys sheteldermen mádenı baılanystardy damytý jáne nyǵaıtý maqsatynda uıymdastyrylǵan.
