Ulytaýda ótken onlaın festıvalde týrıster qazaq halqynyń salt-dástúrimen tanysty

ULYTAÝ. QazAqparat – Qaraǵandy oblysy Ulytaý aýdanynyń Terisaqqan aýylynda onlaın rejıminde dástúrli Kokmaisa fest – 2021 etnofestıvali ótti. Bıyl ol Qazaqstan Respýblıkasy Táýelsizdiginiń 30 jyldyǵyna arnaldy, dep habarlaıdy QazAqparat tilshisi.

Ár kóktemde Terisaqqan aýylynda «Ulytaý» qoryq-mýzeıiniń qyzmetkerleri etnofestıval ótkizedi.

Aýyl turǵyndary úshin ár kóktem - úlken mereke. Etnofestıval tek Qazaqstanda ǵana emes, odan tys jerlerde de keńinen tanymal.

«Bıyl oǵan AQSh, Frantsııa, Bahreın ámirligi, Polsha, Ýkraına, Reseı, Orta Azııa elderinen týrıster, sondaı-aq ıÝNESKO, National Geographic, Discovering Kazakhstan, «Turan – TV» jáne reseılik «Ohota ı rybalka» telekompanııasynyń ókilderi qatysty» dep habarlady Ulytaý aýdany ákimdiginiń baspasóz qyzmeti.

Kokmaisa fest kórmesinde «bıe baılaý», «aıǵyr qosý» jáne «qymyzmuryndyq» sııaqty ádet-ǵuryptar kórsetildi.

Ár úıdiń aýlasynda ártúrli ulttyq taǵamdar men delıkates bar dastarhan jaıyldy.

Etnofestıval – sheteldikterdi qazaq halqynyń tarıhy men dástúrlerimen tanystyrýdyń jaqsy múmkindigi.