Ulytaýda etnoaýyl salynady

ASTANA. QazAqparat - Ulytaýda etnoaýyl salynady. Bul týraly búgin Qazaqstan Prezıdenti Nursultan Nazarbaevtyń tóraǵalyǵymen ótken Úkimettiń keńeıtilgen májilisinde Qaraǵandy oblysynyń ákimi Erlan Qoshanov aıtty, dep habarlaıdy QazAqparat.

«Sizdiń bastamańyzben qolǵa alynǵan «Rýhanı jańǵyrý» baǵdarlamasyn qaraǵandylyqtar biraýyzdan  qoldap otyrǵanyn erekshe atap aıtqym keledi.  Óńirdiń ózindik erekshelikterin Siz jaqsy bilesiz, aýmaǵy úlken, halqy shashyrańqy ornalasqan. Osyny eskere otyryp, turǵyndardy barynsha qamtý úshin shaǵyn jobalarǵa basa nazar aýdarýǵa uıǵardyq», - dedi Qoshanov.

Onyń dereginshe, jalpy alǵanda «Rýhanı jańǵyrý»  baǵdarlamasyna 12 mlrd teńgeden astam somaǵa 430 joba engizilip otyr. Tek ótken jyldyń ózinde ǵana óńir metsanattary 74  áleýmettik nysandy salǵan jáne  jóndeýden ótkizgen.

«Qaraǵandy úshin baǵdarlamanyń basty jobasy- Ulytaý.  Mádenıet jáne sport mınıstrligimen birlesip Ulytaýda  sapar ortalylyǵy men etnoaýyl salý josparlanýda», - dedi óńir basshysy.