Ulytaýda Camry 15 jolaýshysy bar Sprinter-ge soǵylyp, órtenip ketti
ULYTAÝ. QazAqparat - Qaraǵandy oblysynyń Ulytaý aýdanynda jeńil kólik pen 15 jolýshysy bar shaǵyn avtobýsqa soǵyldy. Jol apatynan bir adam kóz jumdy. Birneshe adam túrli jaraqatpen aýrýhanaǵa jetkizildi, dep habarlaıdy QazAqparat tilshisi.
Búgin Ulytaý aýdanynyń «Mıbulaq aýyly-Jomart kenishi» avtojolynda Mıbulaq aýylynan 10 shaqyrym jerde «Toyota Camry» avtokóliginiń 27 jastaǵy júrgizýshisi rýlge ıe bolmaı, 46 jastaǵy júrgizýshi tizgindegen «Mercedes-Benz Sprinter» shaǵyn avtobýsyna soǵyldy.
«Oqıǵa ornynda bolǵan jol apatynan jeńil kóliktiń 32 jastaǵy jolaýshysy kóz jumdy. Sonymen qatar, atalǵan avtokólik júrgizýshisi men úsh jolaýshy, sondaı-aq Sprinter júrgizýshisi men onyń jolaýshylary túrli jaraqatpen medıtsınalyq mekemege jiberildi», - dep habarlady Qaraǵandy oblysy PD baspasóz qyzmeti.
Jol apaty kezinde «Sprinter» salonynda 15 adam bolǵan.
Atalǵan fakti boıynsha QR QK 345-baby 3-bóligi boıynsha sotqa deıingi tergeý bastaldy. Tıisti saraptamalar taǵaıyndaldy, tergeý júrgizilýde.
