Ulytaýda balyqtar qyrylyp jatyr
QARAǴANDY. QazAqparat - Qaraǵandy oblysy Ulytaý aýdanynyń balyqshylary Sarysý ózeninen júzdegen óli balyqty baıqaǵan, dep habarlaıdy «QazAqparat» HAA tilshisi.
«Qaraǵandy oblysynda reseılikter men belorýstar altyn jáne kúmis óndiretin zaýyt saldy. Al odan shyqqan qyshqyldar oblysymyzdaǵy eń iri ózen Sarysýǵa quıady», - dep jazdy Feısbýk qoldanýshy Aleksandr Galaev.
Ol ózendegi óli balyqtar túsirilgen úsh vıdeorolıkti jarııalady.
«Jaltyrbulaq» AQ zaýytynyń basshylyǵy ózenge qyshqyl jiberetinderin joqqa shyǵardy.
«Jaltyrbulaq» AQ kásiporyny Sarysý ózeninen 100 shaqyrym qashyqtyqta ornalasqan. Onyń ústine óndiriste qyshqyl qoldanylmaıdy. Óndiris barysynda aınalma sý qoldanylmaıdy. Qoldanylǵan sý zańnamalyq talaptarǵa sáıkes ekologııa departamentine tapsyrylady», - dep málimdedi aktsıonerlik qoǵam.
Qaraǵandy oblystyq orman sharýashylyǵy jáne janýarlar álemi ınspektsııasy, aımaqtyq ekologııa departamenti qyzmetkerleri balyqtar qyrylǵan jerge attandy.
«Qazirgi ýaqytta jaǵdaıdy anyqtaý jáne Sarysý ózeninen sý synamasyn alý maqsatynda tıisti mamandar oqıǵa ornyna attandy. Olardyń arasynda atalǵan departament qyzmetkerleri men arnaıy zerthanashylar bar», - dep habarlady óńirdegi ekologııa departamentiniń baspasóz qyzmeti.
