Ulytaýda aýyl jastarynyń forýmy ótti
ULYTAÝ. QazAqparat – Qaraǵandy oblysynyń Ulytaý aýdanynda Aýyl jastarynyń halyqaralyq forýmy ótti, dep habarlaıdy QazAqparat «Habar 24» telearnasyna silteme jasap.
Sharaǵa Reseı, Belarýs, Qyrǵyzstan, Ózbekstan, Tájikstan jáne elimizdiń 13 óńirinen barlyǵy 200-ge jýyq adam qatysýda.
Forýmnyń basty taqyryby – aýyl jastarynyń sapaly bilim alýyna, jumysqa ornalasýyna jaǵdaı jasaý, kez kelgen bastamalaryna qoldaý kórsetý. Qazir kásip ashýdy qalaǵan jastarǵa memleket tarapynan qoldaý kóp. Alaıda, sol kómekti alýdyń tetikterin kópshiligi bile bermeıdi, kópshiligi memlekettik baǵdarlamalardan beıhabar. Sondyqtan keleshekte aqparattandyrý jumystaryna basymdyq berilmek.
«Forým aıasynda alty memleket jastary arasynda arnaıy qarar qabyldanatyn bolady. Sonymen qatar jas kásipkerlikti damytý boıynsha arnaıy memorandým men kelisimderge qol qoıý kózdelip otyr. Sózsiz, tájirıbe almasý, granttardy berý. Sosyn elimizdegi qoldaý sharalaryn basqa memleketterge túsindirip, osy salada tájirıbe almasý kózdelip otyr», - dedi oblystyq jastar saıasaty máseleleri basqarmasynyń basshysy Nurjan Jetpisbaev.
