Ulytaýda 400 gektarǵa jaıylǵan dala órti eki kúnnen keıin sóndirildi
QARAǴANDY. QazAqparat - Qaraǵandy oblysynda dala órti órship tur, dep habarlaıdy QazAqparat oblystyq tótenshe jaǵdaılar departamentine silteme jasap.
28 tamyzda Qaraǵandy oblysy tótenshe jaǵdaılar departamentiniń bólimsheleri 50 ret qutqarý jumysyna shyqqan.
Onyń ishinde órtke - 41 ret, avarııalyq-qutqarý jáne izdeý jumysyna - 8 ret jáne bir márte jalǵan shaqyrýǵa bardy. Eki bala qutqaryldy.
Ulytaý aýdanynda Amangeldi aýyldyq okrýginde 26 tamyzda tirkelgen dala órti sóndirildi. Órttiń jalpy aýmaǵy - 400 ga.
Órt 28 tamyz saǵat 06:36 shamasynda TJD, Ulytaý orman jáne janýarlar dúnıesin qorǵaý sharýashylyǵynyń, órtke qarsy erikti qurylymdardyń kúshimen joıyldy.
Sondaı-aq, Aqtoǵaı (15 ga), Osakarov (29 ga), Nura (40 ga), Shet (48 ga) jáne Buqar jyraý (25, 35, 41 ga) aýdandarynda 8 jerde qurǵaq shóp janǵan. Bári sóndirildi.
Órtti sóndirýge TJ departamenti, órtke qarsy erikti qurylymdar men jergilikti atqarýshy organdardan 174 adam men 47 tehnıka jumyldyryldy.
