Ulytaý turǵyndaryna koronavırýspen kúres sharalary túsindirildi
ULYTAÝ. QazAqparat – Qaraǵandy oblysynyń Ulytaý aýdanynda ákimdik qyzmetkerleri jergilikti belsendi azamattarmen birlesip, turǵyndarǵa koronavırýs ınfektsııasynyń taralýyna jol bermeý jáne aýrýdyń aldyn alý sharalary týraly túsindirý paraqshalar taratýda. Osylaısha ulytaýlyqtar álemdik indetqa qarsy kúsh-jigerlerin biriktirýde, dep habarlaıdy QazAqparat tilshisi.
Álemdik deńgeıde elderdi ábigerge salǵan indet barsha halyqty beı jaı qaldyrmaǵany anyq. Osyndaı qıyn kezeńde Ulytaý aýdanynyń da bılik ókilderi men belsend azamattary bir-birlerine qoldaý berip, eldigimizdi de kórsetip jatyr. Qınalǵan shaqta aqsaqaldar aqylymen elge qorǵan bolyp, kásipkerler jomarttyǵymen elge kómek kórsetip, eriktiler qaýymy kúsh jigerimen aýrýǵa demeý, dárigerge qoldaý jasap, aqkóńil aýyl halqy syrqattarǵa kúsh qýat beretin tabıǵı taza ónimdi dárýmen retinde usynyp jatyr.
«Ulytaý aýylynda bul indettiń odan ári órship ketpeýin qamtamasyz etý maqsatynda Ulytaý aýdany Terisaqqan aýyldyq okrýgi ákiminiń mindetin atqarýshy Saǵat Ermaǵanbetov koronavırýspen kúres boıynsha aqparattyq-túsindirý jumystarynyń medıa-josparyn qurdy. Josparǵa sáıkes, aýyldyń alqa bıler tóraǵasy Áýbákir Abdrahmanov, qoǵamdyq belsendi Adısha Magzýmova, Terisaqqan aýylynyń klýb meńgerýshisi Búrkit Esemseıtov aýyl turǵyndaryna vıdeo úndeýlerin joldady», - dep habarlady Ulytaý aýdany ákimdiginiń baspasóz qyzmeti.
Terisaqqan aýyldyq okrýgi ákiminiń apparaty mamandary men jergilikti ýchaskelik polıtsııa jáne aýyldyń felsherlik beketiniń aǵa felsheri aýyl turǵyndaryn aralap karantın rejımin qatań saqtaýǵa, toı jıyndaryna barmaýǵa, adamdardy jınamaýǵa shaqyryp, túsindirý jumystaryn júrgizdi.
Nátıjesinde aýyl ishindegi 35 úıdiń 270 turǵynǵa túsindirý paraqshalar taratyldy. Jalpy Ulytaý aýdany boıynsha bastaý alǵan aktsııa aýdannyń 15 selolyq okrýgterinde jalǵasyn tabady. 4500 aýlanyń 12 000 halqy qamtamasyz etiledi.
