«Ulytaý» tobynyń kontserti Muse, U2 kontsertterimen deńgeıles ótedi
ASTANA. QazAqparat - Ár kontsertine 10 myńnan 100 myńǵa deıin tyńdarman jınaıtyn Qazaqstannyń «Ulytaý» etno-rok toby bıyl 15 jyldyq mereıtoıyn atap ótedi. Osynaý mereıli dataǵa arnalǵan kontsert bul joly Astana kúnine oraı elorda tórindegi «Alaý» muz saraıynda ótpek. Top óner kórsetýge saqadaı-saı jáne búgin olar kórermensiz alǵashqy kontsertin ótkizdi desek te bolady.
«Bul birtúrli kórinýi de múkin, alaıda bizde barlyǵy da daıyn. Negizi búgin biz keshkisin tolyq vıdeo jazba júrgizemiz. Bul kontserttiń vıdeo nusqasy barynsha sátti shyǵý úshin jasalady. ıAǵnı, búgin jáne erteń tolyqqandy kontsert beremiz desek te bolady», - deıdi bas rejısser Andreı Eremın.
Onyń atap ótýinshe, kesh barysyna josparlanǵan 37 ánniń barlyǵy da arnaıy árleýmen birge oryndalady. Kontserttiń vıdeokontenti Kanada, Reseı, Ýkraına jáne Qazaqstanda ázirlengen.
«Bul kontsertti kez kelgen elde uıalmaı kórsetýge bolady. Menińshe, ol máselen, Muse, U2 kontsertterimen deńgeıles ótedi. ıAǵnı, dybysy da, oryndalý sapasy da, jaryǵy da, sahnasy men tehnıkasy da olardan kem bolmaıdy», - deıdi ol.
Óz kezeginde «Ulytaý» tobynyń prodıýseri Qydyráli Bolmanov bul kontserttiń qaıyrymdylyq negizde ótetindigin aıtty.
«Bizdiń mereıtoılyq kontsertimiz baqytymyzǵa oraı qasıetti Ramazan aıynda, aıt kúnderinde Qazaqstan Táýelsizdiginiń 25 jyldyq mereıtoıyna tuspa-tús kelip otyr. Sondyqtan biz túsken qarjyny balalar úıine, naýqas balalarǵa beremiz. Munan bólek, shamamen 2 myń bıletti mereke qurmetine oraı qala qonaqtaryna tegin taratamyz. Aıt merekesin búkil álem toılap, syılyqtar tartý etedi. Árbir adamnan tamshydaı bolsa da qaıyrymdylyq bolýy tıis», - dedi Q.Bolmanov.
