«Ulytaý» toby alys shet elderge gastrolge shyqpaq
ASTANA. 9 sáýir. QazAqparat - Etno-rok janrynda óner kórsetip júrgen qazaqstandyq «Ulytaý» toby bıyl alys shet elderge gastrol jasaýdy josparlap otyr.
Bul týraly meloman.kz portalyna bergen suhbatynda top múshesi Maksım Kıchıgın málim etti.
«Bıyl biz alys shetel memleketterine gastrol jasaýdy josparlap otyrmyz. Bizdiń shyǵarmashylyǵymyz jáne qazaq dalasynyń áýezdi áýenderi elimizdiń shet memleketterinde turatyn adamdarǵa unaıtyndyǵy qýantady. Budan bólek ujymnyń alǵa qoıǵan maqsattary bar, alaıda ázirshe barlyq syrlarymyzdy ashpaımyz», - deıdi ol.
Sonymen qatar onyń aıtýynsha, jaqyn arada toptyń jańa albomy jaryqqa shyqpaq. Oǵan 10-12 jańa kompozıtsııa enedi. Ázirlik kezeńinde jatqan jańa albomnyń ataýy ázirge «Jańa kún» dep atalady.
