«Ulytaý» toby 15 jyldyq mereıtoıyna oraı elorda kúni kontsert ótkizedi
ASTANA. QazAqparat - «Ulytaý» etno-rok toby 6 shildede - elorda kúninde «Alaý» muz saraıynda kontsert ótkizedi, dep habarlaıdy qala kúnine oraı mádenı sharalardy uıymdastyrýshylar.
Osydan 15 jyl buryn otandyq shoý-bızneste burynǵy mýzykany qazirgi zamanǵy árleýmen oryndaıtyn biregeı ujym - qazaqstandyq «Ulytaý» etno-rok toby quryldy. Osy jyldary dombyra, skrıpka jáne gıtaranyń trıosyna baraban men klavıshti aspaptar qosyldy. Bul burynnan belgili kompozıtsııalardy erekshe mánerde oryndaýǵa múmkindik beredi.
Jobanyń negizin qalaýshy ári jetekshisi Qydyrali Bolmanov toptyń biregeıligi ulttyq kolorıt ekendigin jáne árbir qazaqstandyqqa jaqyn ulttyq kolorıtke negizdeletinin udaıy qaıtalap otyrady.
- Dombyranyń úni jan tebirenterlik. «Ulytaý» oryndaıtyn mýzyka bárine de unaıtynyna senimdimin. Bul joba qazaq halyq aspaptarynyń sheksiz múmkindikterin kórsetip qana qoımaı, álemdik klassıkanyń áıgili týyndylaryn jáne úzdik zamanaýı motıvterdi jańa ımprovızatsııamyen jetkizý úshin jasaldy, - deıdi Qydyrali Bolmanov.
Bıyl tanymal mýzykant ári prodıýser birden birneshe mereıtoıdy atap ótpek. Osyǵan oraı 6 shildede «Alaý» muz saraıynyń sahnasynda elordanyń 18 jyldyǵyna arnalǵan merekelik kontsert ótedi.
Kelýshiler «Ulytaý» toby, Qaraqat Ábildına men Qydyráli Bolmanovtyń oryndaýyndaǵy erekshe jaryqtandyrýdyń súıemeldeýimen jańa jáne eski ánderdi tyńdaıdy. Mereıtoı ıelerin shyǵarmashylyqtaǵy áriptesteri men dostary da quttyqtaıdy.
