Ulytaý oblysynyń prokýrorlary 9 mlrd teńge bıýdjet qarjysy negizsiz jumsalýynyń aldyn alǵan

ASTANA. QazAqparat - Bıylǵy jyldyń basynan beri Ulytaý oblysynyń prokýrorlary 9 mlrd teńge bıýdjet qarajaty negizsiz jumsalýynyń aldyn alǵan, dep habarlaıdy QR Bas prokýratýrasynyń baspasóz qyzmeti.

Oblys prokýratýrasynyń memlekettik satyp alý salasyndaǵy qadaǵalaý jónindegi jumysy zań buzýshylyqtardy jarııalaý kezinde olardyń erte satysynda – jolyn kesýge baǵyttalǵan, bul konkýrstyń ózin ótkizýdi, onyń jeńimpazdaryn anyqtaýdy nemese shart jasasýdy kútpeı-aq zań buzýshylyqtardy joıýǵa múmkindik beredi. Demek, buzýshylyqtardy joıý merzimderi qysqaryp, memlekettik satyp alýǵa qatysý úshin qoljetimdilik ashylatyn áleýetti ónim berýshilerdiń quqyqtary tez arada qorǵalyp, sot daýlary úshin ýaqyt bosqa ketpeıdi.

Jyl basynan beri 8 akt engizilip, 9 mlrd teńgeni quraıtyn 29 konkýrstyn kúshi joıyldy. Ákimshilik jaýapkershilikke – 4, ártúrli jaýapkershilikke 9 laýazymdy tulǵa tartyldy.

Taldaý kórsetkendeı, tapsyrys berýshiler konkýrstardy jarııalaý kezinde tıisti saraptamalar júrgizbeı, jobalaý-smetalyq qujattamalarynsyz, konkýrstyq qujattamalarda memlekettik satyp alýǵa qatysý úshin áleýetti ónim berýshilerdiń jaǵdaıyn nasharlatatyn talaptar kózdelgen.

Mysaly, Sátbaev qalasynyń ákimdigi «Sátbaev qalasynyń Avtomobıl joldaryn kútip ustaý» boıynsha 2,8 mlrd teńge somasyna ashyq konkýrs jarııalaǵan.

Baıqaý bir lot bolyp jarııalanyp, oǵan «Sátbaev qalasynyń alańdary men skverlerinde sanıtarııany qamtamasyz etý» boıynsha jumystar da kirgen.

Jumystyń bul túri múgedektigi bar adamdardan tikeleı satyp alynatynyn eskere otyryp, konkýrsqa Tapsyrys berýshi olardyń qoljetimdiligin shekteı otyryp, konkýrsty jalpy tártippen zańsyz jarııalaǵan.

Oblys prokýratýrasynyń narazylyǵy boıynsha konkýrstyn kúshi joıylyp, múgedekter uıymdary arasynda ashyq konkýrs qaıta jarııalandy.

Aıta ketý kerek, prokýratýra organdarynyń basym baǵyttarynyń biri múmkindigi shekteýli adamdardyń, sondaı-aq memlekettik satyp alýǵa qatysý kezinde adal ónim berýshilerdiń quqyqtaryn qorǵaý bolyp tabylady.

Osylaısha, oblys prokýratýrasy tapsyrys berýshiler tarapynan qandaı da bir shekteý sharalarynsyz memlekettik satyp alýǵa qatysý úshin áleýetti ónim berýshilerdiń belgisiz tobynyń quqyqtaryn qalpyna keltirdi.