Ulytaý oblysynda jol apatynan úsh adam kóz jumdy

JEZQAZǴAN. QazAqparat - «Qaraǵandy-Jezqazǵan» trassasynda eki kólik soqtyǵysyp, saldarynan úsh adam kóz jumdy. Kólikterdiń birinde bolǵan úsh jolaýshy aýrýhanaǵa jetkizildi. Onyń ekeýi - bala, dep habarlaıdy QazAqparat tilshisi.

Qaıǵyly oqıǵa 6 shilde saǵat 17.00 shamasynda «Qaraǵandy-Jezqazǵan» tasjolynda bolǵan.

54 jastaǵy «Mersedes Bents» avtokóliginiń júrgizýshisi Qaraǵandy qalasynan Jezqazǵan jaqqa baǵyt alyp bara jatyp Aqoı aýylyna 5 shaqyrym jetpeı, jol júrý qaýipsizdigine kóz jetkizbeı 48 jastaǵy júrgizýshi tizgindegen «Shevrole Kobalt» avtokóligine soǵylǵan.

Jol-kólik oqıǵasy saldarynan eki avtokóliktiń júrgizýshileri jáne «Mersedes Bens» avtokóliginiń 54 jastaǵy jolaýshysy oqıǵa ornynda qaıtys boldy.

«Shevrole Kobalt» avtokóliginiń 44 jastaǵy jolaýshysy (júrgizýshiniń áıeli) jáne olardyń 18 jáne 7 jastaǵy balalary medıtsınalyq mekemege jetkizildi.

«Fakt polıtsııada tirkelip, tıisti saraptamalar taǵaıyndaldy. Sonyń qorytyndysy boıynsha naqty protsessýaldyq sheshim qabyldanady», - dep habarlady Qaraǵandy oblysynyń PD baspasóz qyzmeti.