Ulytaý oblysynda zańsyz satylyp jatqan 89 mln teńgeniń temekisi aınalymnan alyndy

JEZQAZǴAN. QazAqparat - Ulytaý oblysynda 89 mln teńgege zańsyz temeki ónimderi aınalymnan alyndy, dep habarlaıdy QazAqparat.

Mamyr aıynda Ulytaý oblysy boıynsha memlekettik kirister departamenti Ulytaý oblysy boıynsha ekonomıkalyq tergep-tekserý departamentimen birlesken is-shara ótkizdi.

Onyń nátıjesinde Sátpaev qalasynyń R. esimdi turǵynynan kóleńkeli temeki ónimderin sáıkestendirý quralynsyz zańsyz saqtaýmen jáne satýmen aınalysqany anyqtaldy.

Nátıjesinde quny 89 mln teńgeden asatyn 141 myń qorapsha «Prestige», «Oris», «Craven A», «Manchester», «Zumerret», «Milano», «Mondeo», «Platinum», «Winston», «Oskar», «Mac» markaly temeki ónimderi tabylǵan.

Qazirgi ýaqytta ekonomıkalyq tekserý organdary tergeý amaldaryn júrgizip jatyr.