Ulytaý oblysynda qýańshylyq bolýy yqtımal

ASTANA. QazAqparat – Bıyl Ulytaý oblysynda qýańshylyq bolýy yqtımal. Óńir basshysy Berik Ábdiǵalıuly Ortalyq kommýnıkatsııalar qyzmetiniń kóshpeli brıfıngisinde osyndaı málimet aıtty, dep habarlaıdy QazAqparat tilshisi.

«Jalpy óńirde shóp daıyndaýshylarǵa 500 mln teńge arnaıy sýbsıdııa bólinip otyr. Byltyr onyń kólemi 250 mln teńge bolatyn. Bıyl óńirde qýańshylyq bolýy múmkin degen boljamdar bar. Osyǵan baılanysty shildeden bastap fermerlerge 500 mln teńge jemshóp sýbsıdııasy beriledi», - dedi ákim.

Aıtýynsha, óńirdegi egis alqaptarynyń jalpy kólemi 31 myń gektar ǵana. Oǵan 62 tehnıka jumyldyrylǵan. Bıyl birinshi ret kóktemgi egis jumystaryna 50 mln teńgeden astam nesıe berilgen.

«Aýyl amanaty» jobasy da bıyl oblysta qolǵa alyndy. 2,5 paıyzdyq shaǵyn nesıeler negizinde 273 mln teńgeniń jobasy iske asyp jatyr. Sonymen qatar Úkimettiń qoldaýymen qosymsha 1,8 mlrd teńgeniń jobasy ázirlendi. Olardy Aýyl sharýashylyǵy mınıstrliginiń maquldaýymen «Báıterek» holdıngi qarjylandyrady dep kózdelgen.

«Aýyl amanatyn» keńeıtýge jalpy somasy 3,2 mlrd teńge bólinedi», - dedi Berik Ábdiǵalıuly.