Ulytaý oblysynda «Qazaqmys» kenishinen 40 jastaǵy er adamnyń máıiti tabyldy

ULYTAÝ. QazAqparat - «Qazaqmys» korporatsııasynyń kenishteriniń birinde pyshaq jaraqatynan kóz jumǵan er adamnyń máıiti tabyldy, dep habarlaıdy QazAqparat tilshisi.

Máıit Búgin «Qazaqmys» korporatsııasyna tıesili «Jomart» kenishinen tabyldy. Marqum Óskemennen is-saparǵa jiberilgen Omarov atyndaǵy shahta úńgileý trestiniń qyzmetkeri bolǵan. «Jomart» kenishi Jezqazǵannan 300 km qashyqtyqta ornalasqan.

«17 qarashada «Qazaqmys» korporatsııasy kenishiniń aýmaǵynda zorlyq-zombylyq belgileri bar 40 jastaǵy er adamnyń máıiti tabyldy.

Bul fakt QR QK «Kisi óltirý» 99-baby 1-bóligi boıynsha SDTBT-da tirkelgen

Qazirgi ýaqytta polıtsııa qyzmetkerleri kúdikti adamdardy anyqtaý jáne ustaý maqsatynda jedel-izdestirý is-sharalaryn júrgizýde. Oqıǵanyń mán-jaıy anyqtalýda», - dep habarlady Ulytaý oblysynyń PD baspasóz qyzmeti.