Ulytaý oblysynda bıýdjet qyzmetkerleri jalaqysyn ala almaı júrgeni ras pa - ákimdik túsindirdi

ASTANA. QazAqparat – Ulytaý oblysynyń ákimdigi bıýdjettik sala qyzmetkerleri jalaqysynyń keshikkeni týraly BAQ-ta taraǵan aqparatqa resmı túsinik berdi, dep habarlaıdy QazAqparat tilshisi.

«Keshigý tek qazan aıynyń basynda qyrkúıektiń jalaqysy tólengen kezde ǵana boldy. Onyń sebebi oblystyń bıýdjettik uıymdary ádilet jáne salyq organdarynda qaıta tirkelýine baılanysty. Qazirgi ýaqytta bıýdjet salasynyń qyzmetkerlerine bereshek joq», - delingen resmı aqparatta.

Osyǵan oraı, atalǵan óńir ákimdigi negizsiz jáne naqty emes málimetterdi taratpaýǵa shaqyrady.

«Memlekettik organdardyń resmı derekterine ǵana silteme jasaýdy suraımyz», - deıdi ákimdikten.