Ulytaý oblysynda «Atameken» UKP ókildigi ashyldy

ULYTAÝ. QazAqparat – Ulytaý oblysynda «Atameken» Ulttyq kásipkerler palatasynyń ókildigi ashyldy, dep habarlaıdy QazAqparat.

Óńirde 14,5 myńnan astam shaǵyn jáne orta bıznes sýbektisi bar. Olardyń 9 myńnan astamy – jeke kásipkerler, taǵy 3 myńy – fermer sharýashylyqtar.

Ulytaý oblysyndaǵy «Atameken» UKP ókildiginiń negizgi mindetteri: bıznesti qorǵaý, ShOB 2.0 baǵdarlamasy sheńberinde salalyq saıasatty damytý, salalyq saraptama, sonyń ishinde bıznes-qaýymdastyqtarmen sapaly jumys júrgizý.

«Jańa ókildiktiń ashylýy – birinshi kezekte, ekonomıkalyq turǵyda mańyzdy sheshim. Ulytaý – elimizdiń tarıhı jáne geografııalyq ortalyǵy, bul óńir qashanda qazaq halqynyń besigi sanalǵan. Búgin biz Ulytaý oblysynyń kásipkerler palatasyn birge iske qostyq. Osylaısha kásipkerlikti damytý men qoldaýdyń tolyqqandy ınfraqurylymyn qurýǵa jol ashtyq. Palata kásipkerlikti damytý úshin barynsha tolyq qyzmet usynatyn bolady», – dedi «Atameken» QR UKP tóralqa tóraǵasy Raıymbek Batalov jańa keńseniń ashylýynda.

Málim bolǵandaı, jaqynda Abaı jáne Jetisý oblystarynda «Atameken» UKP ókildikterin ashý josparlanǵan.