Ulytaý oblysynda alǵashqy máslıhat sessııasy ótti
Osyǵan qaraı Ulytaý oblysynyń ortalyǵy Jezqazǵan qalasynda oblystyq máslıhattyń birinshi sessııasy ótti.
Tarıhı sessııaǵa on eki depýtattyń on biri qatysyp, máslıhat hatshysyn saılady. Úlken jaýapkershilik júkteletin laýazymǵa biraýyzdan «Amanat» partııasynan saılanǵan halyq qalaýlysy Baýyrjan Shyńǵysov taǵaıyndaldy.
Baýyrjan Shyńǵysovtyń kóp jyldar boıy memlekettik, onyń ishinde jaýapty qyzmetterde, Jezqazǵan jáne Sátbaev qalalarynyń ákimi bolyp eńbek etken bilimdi, tájirıbeli, eline janashyr azamat ekendigi atalyp, depýtattar tarapynan zor senim bildirildi.
Sessııada kún tártibinde bolǵan turaqty komıssııalar quramyn bekitý, máslıhat apparatyn qurý sııaqty uıymdastyrý máseleleri talqyǵa salyndy.
Ulytaý oblysynyń alǵashqy qurylǵan uıymynyń birinshi sheshimi qabyldandy.
Eske sala keteıik, QR Prezıdenti 2022 jylǵy 16 naýryzda Halyqqa Joldaýynda elimizde úsh jańa oblys qurý týraly usynys bildirip, 4 maýsymda jańa óńirlerdi qurý týraly Jarlyqqa qol qoıǵan bolatyn.
Jańadan qurylǵan Ulytaý oblysynyń ortalyǵy Jezqazǵan qalasy bolady. Óńirge úsh qala – Jezqazǵan, Sátbaev, Qarajal, sondaı-aq eki aýdan – Ulytaý jáne Jańaarqa qaraıtyn bolady.
