Ulytaý oblysynda áleýmettik kásipkerlik korporatsııasy jumysy áli jolǵa qoıylmaǵan

ASTANA. QazAqparat – Ulytaý oblysynda áleýmettik kásipkerlik korporatsııasy men jergilikti bıznestiń jumysy áli jolǵa qoıylmaǵan. Bul týraly Úkimet otyrysynda Premer-Mınıstrdiń orynbasary – Saýda jáne ıntegratsııa mınıstri Serik Jumanǵarın aıtty, dep habarlaıdy QazAqparat tilshisi.

«Ulytaý oblysy da baǵanyń ósýi boıynsha kóshbasshy sanalady. Bir jaǵynan, aımaq logıstıka turǵysynan tuıyq bolyp tabylady. Sonymen birge áleýmettik kásipkerlik korporatsııasy men jergilikti bıznestiń jumysy áli jolǵa qoıylmaǵan. Qańtar aıynda óńirlik komıssııalardyń 10 otyrysy ótkizildi. Alaıda jumys nátıjeleri shamaly», - dedi ol.

Mınıstrdiń dereginshe, Astana qalasynda «aınalym shemasy» tetigi boıynsha qarjylandyrýǵa 14 mlrd teńge bólingen. Biraq óńir 2022 jyldyń qorytyndysynda da, osy jyldyń basynan da baǵanyń ósýinen kóshbasshylar úshtiginde qalyp otyr.

«Jyl bastalǵaly komıssııalar ónimsiz deldaldardy anyqtaǵan joq. Qala ákimi áleýmettik kásipkerlik korporatsııasy men óńirlik komıssııanyń jumysyn qalpyna keltiretinine senimdimin», - dedi Serik Jumanǵarın.