Ulytaý oblysynda 89 mln teńgeniń temeki ónimderin zańsyz saýdalaǵan turǵyn ustaldy

ASTANA. QazAqparat - Sátpaev qalasynyń turǵyny zańsyz kásipkerlikpen aınalysty degen kúdikke ilindi. Ol aktsızdeletin temeki ónimderin esepke almaı, markasyz saqtaǵan jáne ótkizgen.

Bul derekti QMA Ulytaý oblysy boıynsha departamenti oblys prokýratýrasynyń úılestirýimen anyqtady, dep habarlaıdy QazAqparat QR qarjylyq monıtorıng agenttiginiń baspasóz qyzmetine silteme jasap.

Oqıǵa ornyn tekserý, sondaı-aq tintý nátıjeleri boıynsha jalpy somasy 89 mln teńgeden astam túrli markadaǵy 140 myńnan astam qorap temeki ónimi tabylyp, kóleńkeli aınalymnan alyndy.

Qazirgi ýaqytta sotqa deıingi tergeý amaldary júrgizilip jatyr.

QR QPK 201 bapqa sáıkes basqa da málimetter jarııa etýge jatpaıdy.

QR Konstıtýtsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.