Ulytaý dalasynda úsh qoıshy joǵalyp ketti

JEZQAZǴAN. QazAqparat - 21 jeltoqsanda Jańaarqa aýdanynyń «Birlik» sharýa qojalyǵynan 3 adam mal izdeýge shyǵyp, sodan habarsyz ketken, dep habarlaıdy QazAqparat.

Sol kúni keshki saǵat 20:30-da qutqarý qyzmetine olardyń joǵalyp ketkeni habarlandy.

22:20 shamasynda qystaýǵa Jańaarqa aýdanynyń №6 órt sóndirý bóliminen mamandar keldi. Quramynda 5 adam bar.

Olar kelgenge deıin qystaýdaǵy sharýa qojalyǵy qyzmetkerleri kúshimen eki qoıshy tabyldy.

Qyzmetkerlerdiń aıtýynsha, adamdar zardap shekken joq jáne medıtsınalyq kómekke muqtaj emes.

Taǵy bir shopandy izdeý jalǵasty.

22 jeltoqsan saǵat 00:15-te Jańaarqa aýdany TJB ınjeneri baılanysqa shyǵyp, úshinshi qoıshynyń Qarash qystaýynyń janynan tabylǵanyn habarlady.

Ol «Birlik» sharýa qojalyǵyna evakýatsııalandy.

Foto: gov.kz