Ulytaý Altyn Ordanyń 750 jyldyǵyn merekeleý ortalyqtarynyń biri bolady

QARAǴANDY. QazAqpart - QR Premer-Mınıstriniń orynbasary Berdibek Saparbaev Qaraǵandy oblysynyń Ulytaý aýdanyna jumys sapary barysynda Alasha han, Joshy han kesenelerin, sondaı-aq Altyn shoqy taýynda ornalasqan Aqsaq Temirdiń tas taqtasyn tamashalady, dep habarlaıdy QazAqparat.

Vıtse-premer Prezıdenttiń Ulytaý aýdanyn damytý týraly tapsyrmasyn júzege asyrý jónindegi jumys josparymen tanysty, dep xabarlaıdy QazAqparat tilshisi.

Esterińizge sala keteıik, Ulytaý halyqaralyq deńgeıdegi etnografııalyq týrızmniń ortalyǵyna aınalýy tıis. Bul týraly Qasym-Jomart Toqaev «Ulytaý - 2019» halyqaralyq týrıstik forýmynda aıtty.

«Týrızmdi damytý úshin Mádenıet jáne sport mınıstrligi memlekettik baǵdarlama ázirleýde. Ol Altyn Ordanyń 750 jyldyǵyn merekeleýge arnalǵan kóptegen týrıstik is-sharalar ótkizýdi kózdeıdi. Qazirgi ýaqytta basty mindet — arnaıy týrıstik tujyrymdamany ázirleý. Ulytaýǵa keletin týrıster aǵymyn ulǵaıtý úshin barlyq jaǵdaı jasaý kerek. Bul baǵytta jumystar júrgizilýde. Týrısterdi tartý maqsatynda basqa da memlekettik baǵdarlamalar qabyldanýda. Atap aıtqanda, jańa jylǵa deıin biz Ulytaý aýdanynda jáne jalpy Qaraǵandy oblysy boıynsha týrıstik keshenderdi damytý boıynsha arnaıy jobany qabyldaıtyn bolamyz», - dedi QR Mádenıet jáne sport vıtse-mınıstri Nurǵısa Dáýeshov.

Berdibek Saparbaev, sondaı-aq, aýdan ortalyǵyndaǵy týrıstik sapar-ortalyq qurylysynyń barysymen tanysty. Jospar boıynsha munda týrısterge arnalǵan 15 oryndyq qonaq úı úlgisindegi jataqhana, murajaı, 2 konferents-zal, ashana bolady. Premer-mınıstrdiń orynbasaryna sondaı-aq óńirdiń tarıhı-mádenı oryndary boıynsha týrıstik baǵyttar, tarıhı eskertkishterdi qalpyna keltirý jumystary, buryn ótkizilgen týrıstik is-sharalar usynyldy.

Berdibek Saparbaev Ulytaý aýdanynyń ólketaný murajaıynyń qurylysymen tanysty. Joba boıynsha ǵımarat 2 qabattan turady, onyń alańy 830 sharshy metr. Qazir negizgi qurylys jumystary aıaqtalýda, qazandyq ornatý, ishki jáne syrtqy óńdeý jumystary júrip jatyr.

Vıtse-premer mádenıet jáne sport mınıstrligine, oblys jáne aýdan ákimdigine sapar ortalyǵy men murajaıdyń jumysyn tıimdi paıdalaný jáne uıymdastyrý, jergilikti turǵyndardy qurylys-montaj jumystaryna tartý jóninde usynystar daıyndaýdy tapsyrdy.

Berdibek Saparbaev, sondaı-aq, aýdandyq emhanada boldy. Kelesi jyly onyń janynda aýdandyq ortalyq aýrýhananyń qurylysy bastalady. Búgingi kúni qurylys úshin jer telimi bólinip, qarajat qarastyrylǵan. Aýdany 2000 sharshy metr bolatyn aýrýhananyń 3 qabatty ǵımaratynyń qurylysy kelesi jyly bastalyp, 2021 jyly aıaqtalýy tıis.