Ulystyń uly kúnin barsha halyqtyń birlese toılaýynyń mán-mańyzy zor - Astana qalasy ózbek etnomádenı ortalyǵy
«Qazaqstan halqyna Ulystyń uly kúnimen shyn júregimnen quttyqtaý aıtamyn! Áz Naýryzymyz barshamyzǵa baqyt pen qut alyp kelsin. Elimizdegi tatýlyq pen beıbitshiliktiń týy jelbireı bersin»,-dedi búgin «Qazaq eli» monýmenti aldynda Naýryz meıramyna oraı uıymdastyrylǵan shara barysynda elordadaǵy ózbek etnomádenı ortalyǵynyń tóraǵasy Sherzod Pýlatov.
Ortalyq basshysy Ulystyń uly kúnin atap ótýge ózbek etnomádenı ortalyǵy ózindik úlesin qosatynyn jetkizdi. Onyń sózine qaraǵanda, ortalyq quramyndaǵy ansambl elorda aýmaǵyndaǵy túrli mádenı sharalarǵa qatysyp, Áz Naýryzdyń márbesin kóterýge atsalysyp júr.
«Osy ataýly merekede dastarhan jaıyp, ulttyq taǵamdardy ázirlep, meıman kútemiz. Sebebi, álemniń 30 eli merekeleıtin Naýryz dostyqtyń, tatýlyqtyń, syılastyqtyń meıramy. Sondyqtan Ulystyń uly kúnine barshamyz uıymdasa qatyssaq, onyń mán-mańyzy arta túspek»,-dep atap ótti Sh. Pýlatov
