Ulystyń Uly kúni Naýryz meıramy - «Qazaqstan» Ulttyq arnasynda

23 naýryz kúni, saǵ: 21:05-te «Juldyzdy sát» megajobasy tusaýyn kespek. Bul jobaǵa óz ónerimen tánti etýdi armandaıtyn kez-kelgen elimizdiń azamaty qatysýǵa múmkindik aldy. Іrikteýdi Almaty qalasynan bastaǵan shyǵarmashylyq top, elimizdiń túkpir-túkpirinen talanttar izdedi. «Juldyzdy sát» qarapaıym adamdardyń erekshe óneri men darynyn, kúsh-qýaty men talantyn dúıim jurtqa pash etýge múmkindik beretin mega joba. Sonymen qatar arnaıy telejobalar, dýmandy kontserttik baǵdarlamalar jáne qazaq kınosynyń «Naýryz tartý» atty aptalyǵy ótedi. 1 apta boıy kórermen qaýym otandyq úzdik fılmderdi, qazaq kıno óneriniń shoqtyǵy bıik týyndylaryn kóre alady.

18 naýryz 00:20-da «Naýryz tartý»

Jerar Deparde, Nurjuman Yqtymbaev, Bolat Qalymbetov, Natalııa Arynbasarova, Natalıa Gvozdıkova «Jıde. Keshikken mahabbat» komedııasynda. Rejısseri: Sábıt Qurmanbekov

Bul - bizdiń qarttarymyzdyń búgingi kúni jaıyndaǵy meıirimge toly lırıkalyq hıkaıa; olardyń kúndelikti ómiriniń qaıshylyqtary men shyrǵalańdary, jaıma-shýaq qarym-qatynastary, qýanyshty sátteri men bolashaqqa degen óshpeıtin úmit oty jaıynda. Oqıǵanyń ózegine jastaıynan dos úsh qarııanyń bireýi - Qaltaıdyń baǵy jansyn degen nıetpen ony úılendirip tynýǵa bás tikken qarttardyń sheshimi negiz bolady. Biraq, olar ózderiniń adam nanǵysyz kúlkili ári shytyrman oqıǵaǵa tap bolatyndarynan múldem qapersiz edi. Óıtkeni oqıǵanyń bulaı órbýine tikeleı Mahabbat atty sezim kináli bolyp shyǵady.

19 naýryz 22:55-te «Naýryz tartý»

Aıanat Esmaǵanbetova, Kýno Bekker, Doshan Joljaqsynov, «Kóshpendiler» tarıhı dramasynda Rejısserleri: Sergeı Bodrov, Ivan Passer, Talǵat Temenov

Qazaq halqynyń tarıhy, sonaý XVIII ǵasyrda qazaqtardyń Memlekettik sapasynyń qalyptasýy týraly baıandalady. "Kóshpendiler" fılminiń negizine naqty tarıhı jaǵdaılar, XVIII ǵasyrda qazaq jerinde ótken azattyq úshin kúres, qazaqtardyń jońǵar shapqynshylaryna qarsy soǵysy arqaý bolǵan. Fılm keıipkerleri ómirde bolǵan tarıhı tulǵalar: Ábilqaıyr han, Abylaı han, dana Tóle bı, jońǵar qolbasshysy Qaldan Tseren.
Fılmdegi basty keıipker Abylaı hanǵa aınalǵan Mansur naǵyz halyq sardarynyń peshenesine tıesili barlyq synaqtan abyroımen ótedi. Ol qaharman qyz Gaýharmen arada órbıtin lırıkalyq jeli údesinde óziniń jeke basynyń tartymdylyq qasıetterin de joǵaltpaıdy.

20 naýryz 23:55-te «Naýryz tartý»

Asanáli Áshimov, Aleksandr Feklıstov, Erjan Túsipov «Siz kimsiz, KA myrza?» dramasynda. Rejısseri: Hýat Ahmetov

Poıyzdaǵy bir qart kisiniń janynda ashyq jarqyn, áńgimeshil jigit otyrady. Biraq júzi jyly kóringenimen onyń ishinde ne oıy bar ekenin eshkim bilmeıdi. Bul adamnyń qaýipti ekeninen el-jurt beıhabar...

21 naýryz 17:50-de «Naýryz tartý»

Sanýrjan Súleımenov, Janel Alıkova, Júrsin Erman «Ańshy bala» balalar fılminde («Qazaqfılm», 2011 j.) Rejısserleri: Erlan Nurmuhambetov, Begarys Elýbaı

Qala balasy Qambar jazǵy demalysta aýyldaǵy atasyna keledi. Sonda júrip Samal atty qyzben tanysady. Bir kúni Samaldyń laǵyn qasqyr jep ketedi. Ashynǵan Qambar men Samal qasqyrdyń izine túsedi. Qambar atasynyń myltyǵyn ala shyǵady...

22:20-da «Naýryz tartý»

Erbolat Toǵuzaqov, Orynbek Moldahan, Isabek Ábilmajınov

«ShAL» dramasynda Rejısseri: Ermek Tursynov

Bul fılm Ernest Hemıngýeıdiń «Shal men teńiz» shyǵarmasynyń jelisi boıynsha túsirilgen. Biraq, munda oqıǵa teńizde emes, saıyn dalada ótedi. Munda shal men kelini jáne nemeresiniń ómiri beınelenedi. Fılmniń ıdeıasy «adamdy óltirýge bolady, biraq, onyń rýhyn jeńe almaısyń» degenge saıady.

02:00-de «Naýryzdaǵy qarbalas» arnaıy telejoba

Bir úlken otbasynyń Naýryz merekesin qarsy alýy jaıynda bolmaq. Atasy nemeresin sol kúnge arnap súndetke otyrǵyzýdy uıǵarady. Otbasy músheleri keń dastarhanda bas qosyp merekeniń sońy toıǵa ulasady.

Rólderde: Safýan Sháımerden, Janar Aıjanova, Janatbek Báıtek, Ramazan Stamǵazıev. Rejısseri Serik Ybraıym

03:00-de «Naýryz - Dýman» dýmandy- sazdy baǵdarlama.

05:20 «Aıtýǵa ońaı» merekelik joba

Naýryzdyń 21-i kúni saǵ: 21:05 pen 22:00-de jáne 22-si kúni saǵ: 12:45 pen 16:00-de tikeleı efırde «Armysyń áz Naýryz!» atty merekelik joba.

Stýdııaǵa qonaqtar shaqyrylady (qoǵam jáne memleket qaıratkerleri, depýtattar, óner adamdary, etnograf-ǵalymdar, túrli salanyń ókilderi), stýdııaǵa kelgen adammen suhbat, sıýjetter beriledi. Jastardyń qatysýymen Flesh-mob uıymdastyrylady.

22 naýryz

«Naýryz qazaq jerinde!» atty telekópir ótedi

08:45-te «Naýryz qazaq jerinde» Astana - Aqtóbe

09:35-te «Naýryz qazaq jerinde» Astana - Qaraǵandy

13:00 -de «Naýryz qazaq jerinde» Astana - Shymkent

15:05 -te «Naýryz qazaq jerinde» Astana - Taraz

15:50 -de «Naýryz qazaq jerinde» Astana - Qyzylorda

16: 15 -te «Naýryz qazaq jerinde» Astana - Mańǵystaý

20:00 -de «Qazaqstan - Monǵolııa» telekópir

08:55 pen 22:55-te «Jyl ıesi - jylan» arnaıy merekelik joba

Jylan jylynyń tarıhtaǵy orny;

Jylan týraly ańyz-ápsanalar;

Jylannyń ózindik qasıetteri qandaı;

Jylan jyly týǵandar ne deıdi;

Jylan jyly qandaı bolmaq (juldyz joramalshy) t.b. aıtylady

09:55-te «Naýryz tartý»

Nurmuhan Jantórın «Sultan Beıbarys» tarıhı fılminde.

Rejısseri: Bolat Mansurov

XIII ǵasyr. Jerorta teńizindegi eń úlken flottyń egesi, Mysyr eliniń bıleýshisi, teńdesi joq Beıbarys sultan patsha taǵyna deıingi ómir jolyn esine túsiredi. Bılik ataýlynyń beısharalyǵyn, eń jaqyn degen adamdarynyń ishinde de satqyndyqqa beıim turatyn adamdardyń bolatynyn ol ataq-dańqqa ıe bolǵan kezde bir-aq kóz jetkizedi. Shyǵys ańyzyna sensek, osy kezde Beıbarys sultan patsha taǵyn tastap, bir zamanda jaýlaýshylarǵa ózi qoldy bolǵan qypshaq dalasyna bet túzeıdi-mys...

16:30 ben 17:45-te Eki bólimnen turatyn «Kóktem shýaǵy» atty merekelik kontsert.

23:45-te Fýtbol súıer qaýym úshin 2014 jylǵy Álem Chempıonatyna irikteý týrnırin tikeleı efırde tamashalaýǵa shaqyrady. Alańda - Qazaqstan-Germanııa.

23 naýryz

10:25- te «Naýryz tartý»

B. Segizbaev, B. Rımova Q. Qojabekov «Meniń atym Qoja» fılminde. Rejısseri: A. Qarsaqbaev

Qoja - aýyldyń syıly azamaty bolǵan Qadyrdyń balasy. Mektepte Qoja sotqar bala bolady. Soǵan qaramastan, basty keıipkerimiz shyn júrekten túzelgisi keledi. Qasynda Sultan degen dosy júrgen kezde, bul is oǵan múldem qıynǵa soǵady...

21:05 «Juldyzdy sát» megajobasynyń tusaýkeseri!

Bul sheteldik «Biz talanttardy izdeımiz» telejobasy álemniń qyryq elinde kórsetiledi eken. Álemdegi alǵashqy nusqasy «Got talent» jobasy dep ataldy.

22: 10-da «Naýryz tartý»

Asylhan Tólepov, Álııa Ánýarbek, Aıan Ótebergen, Quralaı Anarbekova, Tilektes Meıramov, Tóleýbek Aralbaı, Nurlan Álimjanov, Berik Aıtjanov «Jaýjúrek myń Bala» tarıhı drama. Rejısseri: Aqan Sataev

Fılm qazaq halqy jońǵar shapqynshylyǵyna qarsy erlikpen kúresken XVIII ǵasyrdyń birinshi jartysyn qamtıdy. Sol kezde qazaq jasaqtary birigip, basqynshylarǵa toıtarys berip, maıdanda sheshýshi jeńisterge jetken edi. Kıno jelisi boıynsha, osy soǵysta el úshin kúresken jaýynger er- azamattar qatarynda, jaýjúrek Sartaı batyr da ózindeı órimdeı jas, jetkinshek sarbazdardy tý kóterip, joryqqa bastap shyǵady. Myń bala atanǵan Sartaı jasaǵy qarasy áldeqaıda kóp jaýǵa azǵana qol qarsy shaýyp, arasalmaqty qazaq áskeri paıdasyna ózgertedi

24 naýryz

08:50-de «Naýryz tartý»

Orynbek Satanbaev, Móldir Myrzaqasymova «Báıterek» melodramasynda. Rejısseri: Danııar Salamat

Tórtinshi synypty támamdaǵan qala balasy Sanjar aýyldaǵy ájesi men atasyna keledi. Aýyldan jańa dostar tabady. Biraq, ata-ananyń qamqorynan aıyrylǵan bala úshin jańa jerde ómir súrý asa ońaıǵa soǵa qoımaıdy. Ata-anasyn qatty ańsaǵan bala eń bıik jerge shyǵyp, tilek tilesem armanym oryndalar dep oılaıdy. Astananyń tumaryna aınalǵan Báıterek ǵajaıypqa aparar jol sekildi kórinedi...