«Ulystyń uly kúni mártebeli taqqa otyrdy» - respýblıkalyq basylymdarǵa sholý

***

Keshe QR Prezıdenti Ákimshiligi basshysynyń orynbasary Máýlen Áshimbaevtyń tóraǵalyǵymen «Mádenı mura» strategııalyq ulttyq jobasyn júzege asyrý jónindegi Qoǵamdyq keńestiń otyrysy ótti. Alqaly jıyn barysynda keńes músheleri atalǵan baǵdarlamanyń 2009-2011 jyldarǵa arnalǵan is-sharalar jospary aıasynda atqarylǵan jumystardyń qorytyndysyn shyǵardy. Osyǵan oraı «Aıqyn» gazetiniń beısenbilik sanynda «Mańyzy bar «Mádenı mura». Qoǵamdyq keńes atqarǵan jumystardyń qorytyndysyn shyǵardy» degen taqyryppen maqala jaryq kórdi. Basylymnyń jazýynsha, bul jospar qazaq eliniń tarıhı, mádenı, arheologııalyq jáne sáýlet eskertkishteriniń mańyzdylaryn qaıta jańǵyrtýdy, ata-babalarymyzdan qalǵan baı murany zertteýdiń birtutas júıesin qurýdy, ulttyq jáne álemdik ǵylymı oı-sana, mádenıet jáne ádebıet baspa serııalaryn daıyndaýdy kózdeıdi eken. Osy sharalarǵa byltyr el bıýdjetinen 2 mıllıard 079 mıllıon 415 myń teńge bólinip, bul qarjy tolyq ıgerilgen.

Keshe QR Mádenıet jáne aqparat mınıstrligi, «Qazaqstan halqynyń rýhanı damý qory» AQ jáne «El» prodıýserlik ortalyǵynyń uıymdastyrýymen «Qazaqtyń dástúrli 1000 kúıi» atty dombyra kúıleri antologııasynyń tusaýkeseri ótti. Atalǵan sharaǵa qatysqan Mádenıet jáne aqparat mınıstri Muhtar Qul-Muhammed «búgingi kún shyn máninde qazaq tarıhyndaǵy eń aıtýly kún. Óıtkeni «Mádenı mura» baǵdarlamasy sheńberinde, Elbasy Nursultan Ábishulynyń alǵysózimen halqymyzdyń myńjyldyq mádenı murasy basylǵan, tek dombyraǵa ǵana emes, sondaı-aq qobyzǵa, syrnaıǵa da arnalǵan myń úzdik tańdaýly kúıimizdiń antologııasy shyǵyp otyr», dep atap ótken. «Aıqyn» gazetindegi maqala «Babalardan jetken syı ultymyzdyń rýhanı qazynasyn tolyqtyrdy» degen taqyryppen berilgen.

Al osy basylymda jaryq kórgen «Qazaqtyń tili - kúı!» atty kólemdi maqalada antologııa jan-jaqty taldanyp jazylǵan. Atalǵan antologııaǵa qaı kúıshi, onyń qandaı týyndylary kirgendigin bilgińiz kelse, basylymnyń búgingi sanyndaǵy maqalaǵa nazar salyńyz.

Osy taqyrypqa basa nazar aýdarǵan «Nur Astana» basylymynyń da búgingi sanynda «Árkimniń kóńilinde til qatqan kúı!» degen taqyryppen maqala jarııalandy. Onda «1000 kúıge «dástúrli» degen ataýdy qosýymyz, munda taza avtordyń óz oryndaýynda, shákirtteri arqyly búgingi kúnge jetken, jalǵyz dombyra, qobyz nemese syrnaımen súıemeldenetin kúılerdi kirgizdik. Sondyqtan ony dástúrli dep atadyq», degen QR Mádenıet jáne aqparat mınıstriniń sózi keltirilgen.

«Nur Otan» Halyqtyq Demokratııalyq partııasy, Ortalyq apparatynda partııa Tóraǵasynyń birinshi orynbasary Nurlan Nyǵmatýlın Frantsııanyń Qazaqstan Respýblıkasyndaǵy Tótenshe jáne Ókiletti Elshisi Jan-Sharlem Bertonemen kezdesti», dep jazady «Aıqyn» gazeti. Basylymnyń jazýynsha, taraptar eki eldiń basqarýshy partııalary arasyndaǵy yntymaqtastyq týraly memorandýmǵa qol qoıyp, eki el múddesine qatysty yntymaqtastyqtyń aldaǵy ýaqyttaǵy baǵyttaryn talqylaǵan.

***

«Súıinshi! Jyl basy - Naýryz meıramy bıyldan bastap, túrki, parsy jáne kavkaz halyqtarynda ǵana emes, 200-ge tarta el uıysqan Birikken Ulttar Uıymynyń kóleminde dúbirletip atalyp ótpek. BUU Bas Assambleıasy «Halyqaralyq naýryz merekesi» qararyn biraýyzdan qabyldap, 21-shi naýryz kúnin álemdik mereke retinde belgiledi. Áz Naýryz alǵash ret bir ulttyń nemese mádenıettiń merekesi retinde ǵana emes, búkil adamzat murasynyń quramdas bir bóligi retinde atalyp ótiletin bolady», dep jazady «Alash aınasy» gazeti. Maqala «Ulystyń uly kúni mártebeli taqqa otyrdy» degen taqyryppen basylǵan.

Sońǵy ýaqytta elimizdiń qarjy naryǵyndaǵy dollar arzandap, teńgeniń aqyryndap nyǵaıyp kele jatqandyǵy aıqyn. Bul jaıtty nazarynan tys qaldyrmaǵan «Alash aınasy» gazeti óziniń turaqty «Oı-kókpar» aıdarynda bilikti eki mamanǵa «Mamandar boljap otyrǵan teńge baǵamynyń nyǵaıýy ekonomıkamyzǵa tıimdi me?» degen saýaldaryn qoıǵan. Atalǵan saýalǵa Táýelsiz kásipkerler qaýymdastyǵynyń vıtse-prezıdenti Tımýr Nazhanov «Iá, arzan dollar memleket úshin, bıýdjet úshin tıimdi. Óıtkeni eksporterlerdiń valıýtasyn arzanyraq satyp alýǵa, ıaǵnı elimizdiń valıýta qoryn, Ulttyq qordyń valıýtadaǵy bóligin tolyqtyrýǵa meılinshe az qarjy jumsaıtyn bolady», dese, ekonomıka ǵylymynyń kandıdaty Muhtar Taıjan «Ómirdegideı ekonomıkada da birjaqty paıdaly ne zııandy ózgerister bolmaıdy. Teńgeniń nyǵaıýynyń tıimdi de, tıimsiz tustary bar. Biraq oń-solyn baǵamdaı kelsek, munyń zııandy jaqtary basym», deıdi. Eki mamannyń jaýaptarynyń tolyq nusqasyn basylymnyń búgingi nómirinen oqı alasyzdar.

«Keden odaǵynyń kópshilik úshin áli de bolsa kóleńke tustary keshe Parlament Májilisiniń jalpy otyrysynda taǵy bir márte qaýzalyp ótti. Atalmysh odaqqa qatysty birneshe zań jobasyn qoltyqtaı kelgen Qarjy mınıstri Bolat Jámishevti depýtattar jep qoıa jazdady», dep jazady «Alash aınasy» gazeti. Jazylǵan jaıttyń jańǵyryǵyn basylymnyń búgingi sanynda jaryq kórgen «Tusaýy kesilgen kedenniń jibine shyrmalyp jatyrmyz» atty maqaladan egjeı-tegjeıli tanysa alasyzdar.

***

«Ekonomıka» gazetiniń búgingi sanynda «Inflıatsııa: derekter men dáıekter» degen taqyryppen maqala basyldy. Ekonomıkalyq vedomstvolar men ǵylymı-zertteý uıymdarynyń derekterine súıenip jazǵan basylymnyń habarlaýynsha, 2010 jylǵy qańtarda ınflıatsııa 1,4 paıyz bolǵan, bul 2008 jylǵy qańtardan bastap eń joǵary deńgeı bolyp tabylady. «Azyq-túlik taýarlarynyń baǵasy 1,1, azyq-túlikke jatpaıtyn taýarlar 0,3 jəne aqyly qyzmet kórsetý 2,8 paıyzǵa ósti. Azyq-túlik taýarlary naryǵynda ótken aıda, kóp dərejede temeki buıymdary -4,7, jemister jəne kókónister - 2,9, qant -1,9, sút ónimderi jəne jumyrtqa - 1,7, maı jəne toń maılar - 1,2, et jəne et ónimderi 1,1 paıyzǵa qymbattady. Bıdaı uny 2,5, kúrish 1,4 paıyzǵa arzandady», dep jazady basylym.

***

«Memleket basshysy Nursultan Nazarbaev elimizdiń birqatar aımaǵynyń ákimderin qabyldady», dep jazady «Lıter» gazeti. Sársenbi kúni Astanada QR Prezıdenti Almaty ákimi Ahmetjan Esimovpen, Aqmola oblysynyń ákimi Albert Raýmen jáne Ońtústik Qazaqstan oblysynyń ákimi Asqar Myrzahmetovpen jumys kezdesýin ótkizdi. Aımaq basshylary Elbasy aldynda ótken jyldyń áleýmettik-ekonomıkalyq damýy týraly esep berip, 2010 jylǵy josparlarymen bólisti.

Bul jaıynda «Kazahstanskaıa pravda» gazetinen de oqı alasyzdar.

«QR Memlekettik hatshysy - syrtqy ister mınıstri Qanat Saýdabaevtyń QHR-ǵa resmı sapary aıaqtaldy», dep jazady «Kazahstanskaıa pravda» gazeti. QR SІM-niń Qytaıdaǵy saparynyń resmı baǵdarlamasynyń ekinshi kúniniń resmıligi báseń bolǵanymen, jospar tyǵyz kúıinde boldy. Q.Saýdabaev Qytaı qoǵamdyq ǵylymdar akademııasynda bolyp, onyń vıtse-prezıdenti Lı ıAnmen kezdesti, sondaı-aq aspanasty eliniń ǵalymdary aldynda aýqymdy baıandama jasady.