Ulys kúnin san túrli sıpatta atap ótý ata saltymyz ben urpaqtar sabaqtastyǵyn saqtaý úshin kerek – Toqaev

NUR-SULTAN. QazAqparat – Ulys kúnin san túrli sıpatta atap ótý ata saltymyz ben urpaqtar sabaqtastyǵyn saqtaý úshin kerek. Bul týraly QR Prezıdenti Qasym-Jomart Toqaev qazaqstandyqtardy Naýryz meıramymen quttyqtaýynda aıtty, dep habarlaıdy QazAqparat.

«Naýryzdyń taǵy bir belgisi – uqyptylyq pen tazalyq. Qazaq – tabıǵatqa etene jaqyn halyq. Ulystyń Uly kúni bulaqtyń kózin ashyp, aǵash egý, qorshaǵan ortany taza ustaý – erteden jalǵasyp kele jatqan dástúrimiz. Biz qolǵa alǵan «Taza tabıǵat» jobasynyń negizgi maqsaty – sol ıgi sharany jalǵastyrý. Osylaısha, Ulys kúnin san túrli sıpatta atap ótý ata saltymyz ben urpaqtar sabaqtastyǵyn saqtaý úshin kerek. Qazaqta «Saltyna qarap, halqyn tanısyń» degen qanatty sóz bar. Ulttyń jańa bolmysy jaqsy daǵdy men jaǵymdy qasıet arqyly qalyptasady», - dedi Prezıdent