Ulymnyń kinási dáleldense, zańǵa sáıkes tıisti shara qoldanylady - Dáýlet Turlyhanov
ASTANA. QazAqparat – Sport qaıratkeri Dáýlet Turlyhanov balasynyń buzaqylyq áreketine baılanysty pikir bildirdi, dep habarlaıdy QazAqparat sportshynyń ınstagram paraqshasyna silteme jasap.
«Aqpannyń 11-ine qaraǵan túni Almatyda meniń ulym men zańgerlerdiń arasynda bolǵan oqıǵaǵa qatysty pikir bildirýdi jón dep taptym.
Meniń ulym Nurasyl kámelet jasyna tolǵan azamat, eger onyń kinási dáleldense, oǵan Qazaqstan Respýblıkasynyń zańdaryna sáıkes tıisti shara qoldanylady.
Sonymen birge, men ulymnyń áreketi úshin keshirim suraımyn», - dep jazdy Dáýlet Turlyhanov.
Eske salsaq, Almatyda zańger Anna Dmıtrıevıch pen onyń kúıeýi Oleg Chernov soqqyǵa jyǵylǵan edi. Almaty qalalyq Polıtsııa departamenti atalǵan derek QR QK-niń 293-baby «Buzaqylyq» boıynsha sotqa deıingi tergeýdiń biryńǵaı tizilimine tirkelgenin habarlady.
Foto: www.instagram.com/daulet_bolatuly_turlykhanov
