Ulyqtalǵan Prezıdenttiń baǵdarlamasy eldiń údesinen shyǵady - Murat Baqtııaruly
«Búgin Qazaqstan úshin erekshe tarıhı saıası kún. Óıtkeni, búgin ulyqtaý rásimi ótti - el tarıyhyndaǵy ekinshi Prezıdentti ulyqtadyq. Ózderińiz bilesizder, 28 jyldan astam ýaqyt Qazaqstandy basqaryp kelgen Elbasy - Tuńǵysh Prezıdent qyzmetin doǵarǵannan keıin, Qasym-Jomart Toqaev bul laýazymǵa ýaqytsha kelgen bolatyn. 9 maýsymdaǵy saılaý nátıjesinde Qasym-Jomart Toqaev jeńiske jetip, búgin resmı túrde prezıdenttik qyzmetine kiristi», - dep túsindirdi senator Murat Baqtııaruly.
Onyń aıtýnysha, búgingi ulyqtaý rásimi asa joǵary deńgeıde ótti. ONda tıisti zańnamada kórsetilgenindeı, barlyq atrıbýttar saqtaldy.
«Laýazymyna kirisken Qasym-Jomart Toqaev baǵdarlamalyq sózin de jarııalady. Onda birqatar mańyzdy máseleler qamtylyp otyr. Sonyń úsheýine toqtalǵym keledi. Birinshisi - sybaılas jemqorlyq. Bul qarapaıym halyqty da tolǵandyratyn máselege aınaldy. Prezıdent osy keleńsizdikpen zańdy qataıtý arqyly kúresý kerektigin atap ótti. Sosyn - ádilettilik. Sonyń ishinde qarapaıym halyqtyń basyndaǵy ádildik. Prezıdent bul rette eldiń turmys dárejesiniń de tómendep ketkenine nazar aýdartyp, onyń sebebin de ashyp kórsetti. Úshinshisi - qoǵamdaǵy ártúrli kózqarastardy syılaı otyryp, ortaq ustanymǵa shaqyrý. Árıne, qoǵam bolǵannan soń ártúrli pikir bolady, sonyń bári eskerilýi tıis. Alaıda sol túrli pikirler birtutas ultqa qyzmet etýi shart», - dedi senattor.
Depýtat Prezıdent sózinde bıznesti damytý, osy baǵyttaǵy kemshilikterdi durystaý, jol men aýyz sý máseleleri de oryndy kóterilip otyrǵanyn atap ótti.
«Áleýmettik máseleniń ishinde áljýaz toptardyń, jalǵyzbasty analardyń jaǵdaıy, olardyń memleketten qamqorlyǵy týraly da durys pikirler aıtyldy. Jeke basym ulyqtalǵan Prezıdentten ózi aıtqan baǵdarlamalary boıynsha úlken úmit kútemin. Biz osy baǵytta qoldan kelgenshe qoldap, zańnamalyq qamtamasyz etý turǵysynan atsalysamyz. Eń bastysy bizge birlik pen yntymaq kerek. Ádildik ornaý da basty prıntsp. Bul eldiń bılikke degen senimin nyǵaıtady», - dedi M. Baqtııaruly.
Eske sala keteıik, QR Ortalyq saılaý komıssııasynyń shyǵarǵan qorytyndysyna sáıkes, 9 maýsymdaǵy kezekten tys saılaýda kandıdat Qasym-Jomart Toqaev saılaýshylardyń 70,96 protsent daýysyn (saılaýshylardyń 6 539 715 daýysy) alyp, jeńiske jetken bolatyn. Osyǵan baılanysty Ortalyq saılaý komıssııasy QR Prezıdentiniń ant berý kúnin 12 maýsymǵa belgileý týraly arnaıy qaýly qabyldady.
Ulyqtaý rásimi barysynda Qasym-Jomart Toqaev Qazaqstan halqyna ant berdi. Al ant bergen sátten bastap jańadan saılanǵan Prezıdent resmı qyzmetine kirisken bolyp sanalady.
