Ulyqbek Esdáýlet: Arańdatýshylarǵa erik bermeý kerek
Onyń aıtýynsha, sherýge shyǵýdy, ony ótkizýdi jáne qabyldaýdy bir júıege keltirý kerek.
«Qoǵamdy tolqytpaı, qoǵamnyń yntymaq- birligin saqtaý óte qajet. Jastarǵa aıtarym da sol. Eń aldymen mádenıettilik kerek. Tártip buzý bul jaqsy nárse emes. Qoǵamnyń óresin kótermiz desek, elimizdiń damýyn qalyptastyramyz desek biz keri ketpeýimiz kerek. Men birjaqty aıyptaýdan aýlaqpyn. Eń bastysy arańdatýshylarǵa erik bermeý kerek. Bul qarsy áreket týdyrady. Bılik pen halyq arasyndaǵy dıalogty buzady, kópir salýdyń ornyna qıratady. Jańa qabyldanǵan Úkimet osy máseleni oń sheshedi degen tilek bar»,- dedi ol.
Ulyqbek Esdáýlet aqyn- jazýshylardyń paryzy jaıly da aıtyp ótti.
«Qoǵamda qandaı silkinister bolsa da, aqyn- jazýshylar qashan da halyqtyń jaǵynda. Halyqtyń tilegin, halyqtyń sózin sóıleý paryzy men mindeti. Biz bolyp jatqan oqıǵalarǵa qatty alańdaýlymyz. Bári beıbit jolmen sheshilip, halyqtyń talap, tilegi oryndalady degen úmittemiz. Aqyn- jazýshylar halyqtyń joǵyn joqtaýshy, muńyn muńdaýshy. Biz halyqpen birgemiz»- dedi aqyn.
