Ulybrıtanııanyń jaýyngerlik kemesi Atlant muhıtynda 14 teńizshini qutqardy
ASTANA. QazAqparat - Ulybrıtanııanyń Koroldik áskerı-teńiz flotynyń jaýyngerlik kemesi Atlant muhıtynda basqarýǵa baǵynbaıtyn kemede eki kúnin ótkizgen 14 teńizshini qutqardy.
Olardyń 18 metrlik kemesi daýyldan zardap shegip, dińgegi men rýli synǵan.
"Derıng" synybyndaǵy "Dregon" esmınetsi apatqa ushyraǵan teńizshilerdi (13 brıtandyq, bir amerıkalyq) qutqarý úshin 900 shaqyrym júrdi.
Keme Kornýoll graftyǵynda Lends-End múıisinen ońtústik-batysqa qaraı shamamen myń shaqyrymda bolǵan.
Oǵan deıin AQSh pen Ulybrıtanııa áskerı ushaqtary kómektesken "Fınlend" tankeri ekıpajynyń músheleri olardy úsh ret qutqarýǵa tyrysqan. Aýa raıynyń qolaısyzdyǵynan barlyq áreketteri sátsiz aıaqtalǵan.
