Ulybrıtanııanyń Saýda jáne ınvestıtsııalar mınıstri Greg Hends Qazaqstanǵa keledi
ASTANA. QazAqparat - Ulybrıtanııanyń Saýda jáne ınvestıtsııalar mınıstri Greg Hends Qazaqstanǵa 18 shilde kúni keledi. Mınıstr Qazaqstan men Ulybrıtanııanyń arasynda jaqsy damyǵan iskerlik yntymaqtastyqty nyǵaıtý men keńeıtýdi jáne Ulybrıtanııany bıznes, bilim, saýda jáne ınvestıtsııalaý úshin tańdalǵan seriktes retinde ilgeriletýdi kózdep otyr, dep habarlaıdy Ulybrıtanııanyń Qazaqstandaǵy elshiliginiń bapasóz qyzmeti.
Eki kún ishinde Astanada mınıstr Hends óziniń negizgi seriktesteri - Qazaqstan Respýblıkasy Úkimetiniń bas ókilimen jáne Qazaqstan men Ulybrıtanııanyń kásipkerlik ókilderimen kezdesedi.
Mártebeli Greg Hends Astana EKSPO-2017 kórmesin tamashalaıdy, Ulybrıtanııanyń Halyqaralyq saýda jónindegi departamenti men Shell kompanııasy Ulybrıtanııa pavılonynda uıymdastyrǵan London Qor Bırjasynyń Qundy Qaǵazdar Naryǵy boıynsha konferentsııaǵa jáne Tehnologııalyq seriktestik forýmyna qatysady, Qazaqstan Respýblıkasynyń Premer-mınıstri Baqytjan Saǵyntaevpen, Investıtsııalar jáne damý mınıstri Jeńis Qasymbekpen jáne Energetıka mınıstri Qanat Bozymbaevpen kezdesedi.
