Ulybrıtanııanyń Premeri EO-nyń basqarý organdaryn synǵa aldy
ASTANA. 25 qarasha. QazAqparat - Eýropalyq odaqtyń basqarý organdarynyń jumysyna teris baǵany blok basshylarynyń sammıti aıaqtalǵannan keıin Ulybrıtanııanyń Premer-mınıstri Devıd Kemeron berdi.
Sonymen qatar ol Odaqtyń 2014-2020 jyldarǵa arnalǵan uzaqmerzimdi bıýdjetiniń usynylǵan nusqasyn tıimsiz dep baǵalady, dep habarlaıdy Reuters.
«Brıýssel (EO shtab-páteriniń ornalasqan jeri) quddy paralleldi álemde ómir súrýin jalǵastyryp otyrǵan sekildi. Shtat komıssııasyndaǵy 200-den astam adam meniń aılyǵymnan asatyn jalaqyny alyp otyr. Belgııaǵa EO-nyń basqa elderinen keletin qyzmetkerleriniń az emes jalaqysyna, ıaǵnı olardyń Brıýsselde 3 jyldam astam ýaqyt turyp jatqanyna qaramastan jańa jerde qoldaý kórsetý úshin atalǵan qyzmetkerlerge qosymsha 16 paıyz qarjy bólýdi jalǵastyrýda», -dedi D. Kemeron.
«EO ınstıtýttary óziniń úlesin qosýǵa qadam jasamaýynyń ózi - salyq tóleýshilerdi jábirlegenmen teń», - dep tolyqtyrdy ol.
Ol EO organdarynyń jumysty uıymdastyrýyn syn tezine ala otyryp, birinshi kezekte ysyrap shyǵystardy qysqartý kerektigin atap ótti.
«Osy sebepten keıin biz jáne basqa elder usynylǵan nusqany qoldaýdan bas tartyp otyrmyz. Sonymen qatar biz kelisimge qol jetikizilýi múmkin degen oıdamyz», - dep túsindirip ótti ol.
Esterińizge sala keteıik, 23 qarashada EO-ǵa qatysýshy elderdiń kóshbasshylary bloktyń 2014-2020 jyldarǵa arnalǵan uzaqmerzimdi bıýdjetin bekitý boıynsha kelissózderdi jalǵastyrýdan bas tartqan edi. Olardyń bul máselege kelispeýi - qujattyń shyǵystar bóligin qysqartý turǵysynda sammıt qatysýshylarynyń birjaqty paıymǵa kelmeýine negizdeldi.
