Ulybrıtanııanyń Lordtar palatasy bir jynysty nekelerge ruqsat berdi
ASTANA. 5 maýsym. QazAqparat - Ulybrıtanııanyń Lordtar palatasy Anglııa men Ýels aımaqtarynda bir jynysty nekelerge ruqsat beretin zań jobasyn maquldady.
«BBC» agenttigi habarlaǵandaı, bul - el úkimetiniń bastamasy. Bas kezinde oǵan kedergi bolatyn ózgerister boldy. Alaıda ekikúndik pikirtalastyń nátıjesinde Lordtar palatasy ol ózgeristerdi alyp tastaý týraly sheshim qabyldady. Oǵan palatanyń 242 múshesi daýys berdi. Ulybrıtanııa premer-mınıstri Devıd Kemeronnyń aıtýynsha, bir jynysty nekeler elge óz paıdasyn tıgizedi. Buǵan deıin bul bastamany qaýymdastyqtar palatasy maquldaǵan bolatyn. Endi, el Parlamenti qujattyń sońǵy nusqasyn kelesi jyldyń jazyna deıin daıarlap qoıýdy qarastyryp otyr.
Aıta keteıik, 18 mamyr kúni Frantsııa prezıdenti Fransýa Olland geı-nekelerge qoldaý bildirip, tıisti zańǵa qol qoıdy. Al 29 mamyr Manpele qalasynda bir jynysty neke resmı túrde tirkeldi.
