Ulybrıtanııanyń Eýropalyq odaqtan shyǵýy munaı naryǵyna áser etedi - U.Qarabalın
ASTANA. QazAqparat - Ulybrıtanııanyń Eýropalyq odaqtan shyǵýy munaı naryǵyna áser etedi. Bul pikirdi búgin «Energııa bolashaǵy jáne japondyq tehnologııa» atty japondyq-qazaqstandyq yntymaqtastyq jónindegi semınar aıasynda BAQ ókilderine suhbat bergen KAZENERGY qaýymdastyǵy tóraǵasynyń orynbasary Uzaqbaı Qarabalın.
«Bul baǵaǵa áser etedi. Alǵashqy qozǵalystardy ózderińiz de baıqap otyrsyzdar. Munaıdyń belgili bir deńgeıde tómendeýi baıqalady. Qazir baǵanyń ekonomıkalyq negizi - munaıdyń barreli 50 dollardy shamasynda belgilenýde. Baǵa suranys, óndiris syndy naryqtyq faktorlar esebinen qalyptasady. Keıde túrli saıası sátter de yqpal etetini bar. Muny biz búginde baıqap otyrmyz», - dedi ol.
Esterińizge sala keteıik, 23 maýsymda Ulybrıtanııada eldiń Eýropalyq odaq quramyna shyǵý-shyqpaýyna qatysty referendým ótken bolatyn. Onyń nátıjesinde el halqynyń 52 paıyzy odaq quramynan shyǵýdy jaqtap daýys berdi.
