Ulybrıtanııanyń Eýropalyq odaqtan shyǵýy 31 qazanǵa qaldy
BRıÝSSELЬ. QazAqparat - EO kóshbasshylary 10 sáýirde ótken kezekten tys sammıtte Ulybrıtanııanyń odaqtan shyǵýyn 2019 jyldyń 31 qazanyna qaldyrýǵa kelisti, dep habarlaıdy QazAqparattyń menshikti tilshisi.
«Bul keıinge qaldyrý men kútkendeı yńǵaıly jáne men kútkennen góri áldeqaıda qysqa bolyp shyqty. Biraq ol durys sheshim qabyldaý úshin jetkilikti. Bul ýaqytty tekke ótkizbeńizdershi», - dedi Eýropalyq odaq prezıdenti Donald Týsk baspasóz konferentsııasynda sóılegen sózinde.
Kezdesý qorytyndysy boıynsha EO kóshbasshylary óz málimdemelerinde Ulybrıtanııanyń 23-26 mamyr aralyǵynda Eýroparlamentke saılaý ótkizetindigi jaıly joǵary deńgeıde atap ótti. London saılaýdy ótkize almaǵan jaǵdaıda el 2019 jyldyń 1 maýsymyna deıin Eýropalyq odaqtan ketýge tıis.
Aıta keteıik, Brıtan premer-mınıstri Tereza Meı eldiń EO-tan shyǵý merzimin 30 maýsymǵa aýystyrý týraly suraǵan bolatyn. Eger parlament Brıýsselmen burynyraq Eýropalyq Odaqtan bas tartý týraly kelisimge qol jetkizse, odan buryn shyǵý múmkindigi bar.
Avtor: Tımýr Dúısekeev
