Ulybrıtanııalyqtar kózimen: Golovkın - álemdegi úzdik boksshy
ASTANA. QazAqparat - Sheteldik skysports.com saıty álemdegi úzdik boksshyny anyqtaý maqsatynda saýalnama júrgizdi. Oqyrmandar bergen daýys arqyly jáne saıt sarapshylary bir aýyzdan qazaqstandyq kásibı boksshy Gennadıı Golovkındi álemdegi úzdik boksshy dep jarııalady. Bir eskere keterligi, boksshylar salmaq dárejesine qaramastan (P4P, Pound-for-pound), daýysqa salyndy, dep jazady massaget.kz.
Orta salmaq dárejesinde WBA (Super), IBO, WBC (Interim) jáne IBF nusqalary boıynsha Álem chempıony qazaqstandyq boksshy Gennadıı Golovkın 9.337 upaı jınap, amerıkalyq boksshy Andre Ýordty (5.519 upaı) jáne reseılik boksshy Sergeı Kovalevti (4.202 upaı) artqa tastady.
P4P úzdik ondyq qataryna tórtinshi bop engen amerıkalyq boksshy Terens Kroýford - 4.199, besinshi retten boı kórsetken brıtanııalyq Karl Frempton - 4.196, altynshy orynda meksıkalyq Saýl Alvares 3.847 upaı enshiledi.
Al brıtanııalyq Kell Brýk nebári 3.497 upaımen jetinshi orynǵa taban tiredi. Sońǵy oryndardan tabylǵan boksshylar: ýkraınalyq Vasılıı Lomachenko (3.026 upaı), nıkaragýalyq Roman Gonsales (2.941 upaı) kýbalyq Gılermo Rıgondo (2.693).
