Ulybrıtanııalyq «saqaldy qalyńdyq» áleýmettik jeli juldyzyna aınaldy
ASTANA. QazAqparat - Ulybrıtanııanyń 24 jastaǵy turǵyny Harnaam Kaýr boıjetken retinde kelbetin saqal buzyp tursa da, turmysqa shyǵýǵa ázir. Bul úshin aǵylshyndyq arý ataqty londondyq fotograf jobasynyń aıasynda fotosessııaǵa qalyńdyq kıimimen qatysty.
Harnaam polıkıstozdyq bez sındromyna shaldyqqanyn ashyq túrde málimdedi. Ol aǵzada gormonaldyq ózgeris týyndatady. Oǵan saqal men murt 11 jasynan shyǵa bastaǵan. Bul úshin tipti ózine qol salǵysy kelgen kúnder de bolǵan. Alaıda bul oıynan bas tartqan. Ótkende telearnalardyń birine bergen suhbatynda boıjetken syrtqy kelbetin maqtan tutatynyn aıtqan.
- Meniń bar bolmysym - osy. Aınalam qandaımyn, solaı qabyldasa deımin, - dedi «saqaldy qalyńdyq».
Harnaam Ulybrıtanııada tursa da, túp tamyry úndilik ekenin aıta ketkimiz keledi. Ol sıkhızm dinin ustanady. Bul dinde denedegi túkti qyrýǵa tyıym salynǵan. Boıjetken buryn saqal-murtyn qyryp tastaǵysy kelse, bul dindi qabyldaǵannan keıin ol oıynan bas tartqan.
